ජාත්‍යන්තර කම්කරු දිනය හෙවත් මැයි දිනය අදට යෙදී තිබෙනවා.
ඇමරිකාවේ චිකාගෝ නුවරට රැස් වූ හතළිස් දහසක පමණ කම්කරුවන් පිරිසක් පැය අටක වැඩමුරයක් ඉල්ලා විරෝධතා සහ පෙළපාලි පැවැත් වුණා.
එලෙස ඇරඹුණු කම්කරු සටන මහා ලේ වැගිරීමකින් කෙළවර වූයේ, මැයි පළමුවනදා දිනය ලෝකයට කිසිදා අමතක නොවන ලෙස සලකුණු කරමින්.
ඒ අනුව මෙම දිනය ලොව පුරා වැඩකරන ජනතාවගේ අයිතිවාසිකම් අවධාරණය කරන සුවිශේෂී දිනය බවට පරිවර්තනය වුණා.
මෙරට කම්කරු ප්‍රජාව ලෝකවාසී කම්කරුවන් සමඟ එක්සත්ව පෙළ ගැසුණේ එලෙස තම අයිතීන් දිනාගැනීමේ අඛණ්ඩ අරගලයේ නව සන්ධිස්ථානයක් සනිටුහන් කරමින්.
ඒ, අනුව ශ්‍රී ලංකාවේ 1927 වසරේ දී ප්රථමවරට කම්කරු දිනය සමරනු ලැබුවා.
ලංකා ඉතිහාසයේ පළමු මැයි රැළිය 1933 කොළඹ ප්‍රයිස් පිටියෙන් ආරම්භ වී ගාලු මුවදොර පිටියෙන් අවසන් වුණා.
එමෙන්ම එවක බණ්ඩාරනායකගේ ආණ්ඩුවෙන් ප්රථමවරට මැයි දිනය මෙරට ජාතික නිවාඩු දිනයක් බවට ප්‍රකාශ කෙරුණා.
අනතුරුව 1956 වසරේ මැයි 01 දිනය මෙරට නිවාඩු දිනයක් ලෙස නම් කරනමින් සෑම වසරකම මැයි මස පළමුවනදා මෙරට ජාතික නිවාඩු දිනයක් බවට පත් කළා.
මේ අතර මෙවර මැයි දිනය වෙනුවෙන් ද මෙරට ප්‍රධාන දේශපාලන පක්ෂ සහ සංවිධාන රැසක් පෙළපාලි සහ ජනරැළි සංවිධානය කර තිබෙනවා.
Sri News Media
