Marina Square – Uptown Colombo සුඛෝපභෝගී මහල් නිවාස සංකීර්ණ ව්‍යාපෘතියේ ඉදිකිරීම් කටයුතු ජයග්‍රාහී අදියරකට

0
6

කුළුණු පහම ආකෘතිමය වශයෙන් සම්පූර්ණ කෙරෙයි

ශ්‍රී ලංකාවේ ප්‍රමුඛ පෙලේ සුඛෝපභෝගී මහල් නිවාස සංකීර්ණ ව්‍යාපෘතියක් වන Marina Square – Uptown Colombo ව්‍යාපෘතියේ තවත් ඉතා වැදගත් පියවරක් සම්පූර්ණ කරමින් ව්‍යාපෘතිය යටතේ ඉදිවන කුළුණු පහකින් යුත් සංකීර්ණයෙහි එම කුළුණු පහ ආකෘතිමය වශයෙන් සම්පූර්ණ කර ඇති බව පසුගියදා නිවේදනය කෙරිණි. ශ්‍රී ලංකාවේ කීර්තිමත්ම ඉදිකිරීම් සමාගමක් වන Access Engineering PLC සහ ලෝක ප්‍රකට China Harbour Engineering Company (CHEC) විසින් මෙහෙයවනු ලබන Marina Square ව්‍යාපෘතිය අභියෝග පිරුණු පසුගිය දෙවසරක කාලය මධ්‍යයේ වුවද සිය ඉදිකිරීම් කටයුතු සාර්ථකව පවත්වා ගෙන යාම ව්‍යාපෘතියේ කොටස්හිමියන් සහ සියලු පාර්ශ්වයන් ඒ කෙරෙහි දක්වන අතිමහත් කැපවීම මනාව පෙන්වා දෙන්නකි.

මෙම අවස්ථාව නිවේදනය කිරීම සඳහා පැවත්වුණු උත්සවයේදී Access Engineering PLC සමාගමේ විධායක උප සභාපති ක්‍රිස්ටෝෆර් ජොෂුවා මහතා අදහස් දක්වමින් මෙසේ පැවසීය, “Marina Square – Uptown Colombo ද මහල් සංකීර්ණයට අයත් වෙන කුළුණු පහේම ආකෘතිය සම්පූර්ණ කිරීම අපට විශාල සතුටක්. විශේෂයෙන්ම දුෂ්කරතා රැසක් මධ්‍යයේ සමස්ත ඉදිකිරීම් ක්ෂේත්‍රයම කඩා වැටී තිබුණු අවස්ථාවක මේ ජයග්‍රහණය ලබාගැනීමට හැකි වූයේ අප ව්‍යාපාරයේ හවුල්කරුවන්ගේ අධිෂ්ඨානය සහ උත්සාහය නිසයි. ව්‍යාපෘතිය සම්පූර්ණ කිරීම සම්බන්ධයෙන් ඉතාම වැදගත් සන්ධිස්ථානයකට සාර්ථකව ලඟා වීමට අපට හැකි වුණු නිසා 2025 වසර වන විට සම්පූර්ණ ව්‍යාපෘතියම සාර්ථකව නිමා කිරීමට අපි බලාපොරොත්තු වෙනවා.”

ව්‍යාපෘතියේ මෙම වැදගත් සන්ධිස්ථානය නිවේදනය කිරීම සඳහා පැවත්වුණු උත්සවය සඳහා ව්‍යාපෘතියේ ආයෝජකයින්, ව්‍යාපෘති උපදේශකයින්, ඒ සම්බන්ධ නියාමන ආයතනවල නිලධාරීන් ඇතුලු වැදගත් අමුත්තන් රැසක් සහභාගී වූ අතර උත්සවයට සහභාගී වූවන් හට කොළඹ වරාය, කොළඹ වරාය නගරය, කොළඹ නගරය සහ ඉන්දීය සාගරය එකට මුසු කළ මනරම් දසුනක සුව විඳීමට අවස්ථාව සලසමින් ව්‍යාපෘතියේ පසුපස කුළුණක මුදුන මත උත්සවය සංවිධානය කර තිබීම විශේෂත්වයකි.

ව්‍යෘපෘතියේ අධ්‍යක්ෂක සහ Marina Square – Uptown Colombo අධ්‍යක්ෂක මණ්ඩලයේ සාමාජිකයෙක් වන කෝසල වික්‍රමසිංහ මහතා අභියෝග මධ්‍යයේ මෙම සාර්ථකත්වය අත්පත් කරගැනීමට මූලික හේතු වූයේ Access Engineering සමාගම සහ CHEC සමාගම සතු මූල්‍යමය ශක්තිය සහ ඉදිකිරීම් අංශයේ විශේෂඥතාවය බව පෙන්වා දෙමින් මෙසේ පැවසීය, “Marina Square – Uptown Colombo ව්‍යාපෘතිය කොළඹ නගරය තුළ අත්විඳිය හැකි සුඛෝපභෝගී මහල් නිවාසයක අත්දැකීම නිවාස හිමියන්ට ලබා දෙන ආකාරයට සුවිශේෂී ස්ථානයක සුවිශේෂී ආකාරයකට නිර්මාණය කර තිබෙනවා. කොළඹ නගරයේ සුන්දරත්වය හොඳින්ම අත්දකිමින් මහල් නිවාස හිමියෙක් වශයෙන් ලැබිය හැකි හොඳම පහසුකම් ලබමින් අන් කවර තැනකින් හෝ ලැබිය නොහැකි සුඛෝපභෝගී ජීවන රටාවක් අත්විඳීමට හැකියාව ලබා දෙන නිසා Marina Square – Uptown Colombo ව්‍යාපෘතිය ශ්‍රී ලංකාවේ ඉදිකිරීම් ක්ෂේත්‍රය තුළ විප්ලවිය වෙනසක් ඇති කරනු ඇති.”

CHEC සමාගමේ සම කළමණාකාර අධ්‍යක්ෂක Wang Gang මහතා අදහස් දක්වමින් මෙසේ පැවසීය. “Marina  Square ව්‍යාපෘතිය ආකෘතිමය වශයෙන් සම්පූර්ණ කිරීමට හැකි වීම අප සමාගම් වලට මෙන්ම සමස්ත ඉදිකිරීම් ක්ෂේත්‍රයටම ලැබුණු ජයග්‍රහණයක් බව මගේ අදහසයි. ඒ මක් නිසාද යත් ඉතාම දුෂ්කර තත්ත්වයන්හිදී පවා අපට අධිෂ්ඨානය තුළින් ජයග්‍රහණය කළ හැකි බව සමස්ත ක්ෂේත්‍රයටම එය පෙන්වා දෙන නිසයි.”

Marina  Square – Uptown Colombo මහල් නිවාස ව්‍යාපෘතිය අක්කර 5 ක් ඉදිවුණු කු`ඵණු පහක තිබෙන මහල් 36 ක් පුරා විසිරුණු සුඛෝපභෝගී මහල් නිවාස 1088 කින් සමන්විත නිවාස සංකීර්ණයක් වන අතර උද්‍යාන හා විනෝදාස්වාද කටයුතු සඳහා වෙන්වුණු අක්කර දෙකක භූමි ප්‍රමාණයක්ද මෙම ව්‍යාපෘතියට අයත් වේ. Marina Square – Uptown Colombo සංකීර්ණය සම්බන්ධයෙන් සුවිශේෂීම කරුණ වන්නේ එය පිහිටා ඇති ස්ථානයයි. කොළඹ ජාත්‍යන්තර මූල්‍ය නගරය හෙවත් කොළඹ වරාය නගරයට කිලෝමීටර 2 ක දුරින්, වරාය පිවිසුම් අධිවේගී මාර්ගයට මීටර 400 ක පමණක් වන දුරකින් කොළඹ නගරයේ වැදගත්ම සහ දැකුම්කළුම ස්ථානයක පිහිටා ඇති Marina  Square – Uptown Colombo සංකීර්ණය infinity pool ” barbecue coves” ඇවිදින මංතීරු, එළිමහන් ඉඩ, squash courts” rooftop skydecks සමඟින් සුඛෝපභෝගී ජීවන රටාවට නව දැක්මක් ඇතිව නිර්මාණය කර ඇති ශ්‍රී ලංකාවේ විශිෂ්ටතම මහල් නිවාස ව්‍යාපෘතියක් වශයෙන් හැඳින්විය හැකිය.

මහල් නිවාස සංකීර්ණය ආකෘතිමය වශයෙන් සම්පූර්ණ කරමින් සමරු ඵලකය අත්සන් කිරීම

(වමේ සිට දකුණට) Access Engineering PLC සමාගමේ විධායක උප සභාපති ක්‍රිස්ටෝෆර් ජොෂුවා මහතා, Access Engineering සමාගමේ සභාපති සුමල් පෙරේරා මහතා සහ China Harbour Engineering සමාගමේ ඒකාබද්ධ කළමනාකාර අධ්‍යක්‍ෂ Wang Gang මහතා

The post Marina Square – Uptown Colombo සුඛෝපභෝගී මහල් නිවාස සංකීර්ණ ව්‍යාපෘතියේ ඉදිකිරීම් කටයුතු ජයග්‍රාහී අදියරකට appeared first on Sri News | Sri Lanka Business News.



Sri News

LEAVE A REPLY

Please enter your comment!
Please enter your name here