LTTEයට පනවා තිබූ තහනම වසර 5කින් දීර්ඝ කරයි – Sri News නවතම පුවත්

0
11

එල්ටීටීඊ සංවිධානයට පනවා ඇති තහනම තවත් වසර 5කින් දීර්ඝ කිරීමට ඉන්දීය රජය පියවර ගෙන තිබෙනවා.

එල්ටීටීඊ සංවිධානයේ ක්‍රියාකාරකම් තවමත් ඉන්දියාවේ ඒකීයත්වයට හා ආරක්ෂාවට තර්ජනයක් බවයි ඉන්දීය ස්වදේශ කටයුතු අමාත්‍යංශය නිවේදනයක් නිකුත් කරමින් කියාසිටින්නේ.

එබැවින් එම සංවිධානයට පනවා ඇති තහනම තවත් වසර පහකින් දීර්ඝ කිරීමට ඉන්දීය මධ්‍යම රජය තීරණය කළ බව ස්වදේශ කටයුතු අමාත්‍යංශය සදහන් කරනවා.

එල්ටීටීඊට ජනතාව අතර බෙදුම්වාදයක් ඇතිකිරීම සදහා කටයුතු කරමින් සිටින අතර තමිල්නාඩුවේ ඒ සදහා ආධාර හා උපකාර හිමිවන බවයි එම අමාත්‍යංශය නිකුත් කළ නිවේදනයේ තවදුරටත් දැක්වෙන්නේ.

2009 වසරේ මැයි මාසයේ දී ශ්‍රී ලංකා රජය එල්ටීටීඊය පරාජය කළද ඊලාම් රාජ්‍යයක් සදහා වන අදහස එම සංවිධානය අතහැර නොමැති අතර ඒ සදහා අරමුදල් රැස්කරමින් රහසිගතව කටයුතු කරමින් සිටින බවද එහි සදහන්.

එමෙන්ම ඉතිරිව සිටින එල්ටීටීඊ නායකයින් හෝ සාමාජිකයින් යළි එක්රැස්කර දේශීයව හා ජාත්‍යන්තරව එම සංවිධානය යළි පණගැන්වීමේ උත්සාහයන් ද ආරම්භ කර ඇති බවයි ඉන්දීය ස්වදේශ කටයුතු අමාත්‍යංශය අවධාරණය කරන්නේ.

ඉන්දීය මධ්‍යම රජයේ ස්වදේශ කටයුතු අමාත්‍යංශය 1967 නීති විරෝධී ක්‍රියාකාරකම් වැළැක්වීමේ පනතේ තුන්වන වගන්තියේ එක හා තුන්වන උප වගන්ති ක්‍රියාත්මක කරමින් මෙම තහනම පනවා තිබෙනවා.

Sri News Media

LEAVE A REPLY

Please enter your comment!
Please enter your name here