Lifie Car Review – සුසූකි වැගන් ආර් (Suzuki Wagon R) – Sri News

0
3

වැගන් ආර් එක කියන්නේ මේ දවස් වල ත්‍රීවිල් තරම්ම පාරේ දකින්න තියෙන කාර් එකක්. ගොඩක් ඇල්ටෝ පාවිච්චි කර කර හිටපු අය මේ වාහනේට මාරු උනා. ඒ වගේම අඩු මුදලට ගන්න පුළුවන් සෙමි හයිබ්‍රිඩ් වාහනයක් විදිහට ලංකාවේ මේ වාහනේ ගොඩක්ම ජනප්‍රිය උනා. සෙමි හයිබ්‍රිඩ් එකක් නිසාම තෙල් ටිකක් වැඩිපුර වැඩ කරනවා. එන්න ඒ හේතුව නිසා ටැක්සි සර්විස් කැබ් සර්විස් වල එහෙම හොඳට නැගල යන වාහන මාදිලියක් වෙලා තියෙන බව පේන්න තියෙනවා. අනිත් එක වැගන් ආර් කිව්වම වේරියන්ට්ස් බර ගා​ණක් තියෙනවා. ඒවායින් අපි අද රිවීව් කරන්නේ වැගන් ආර් Stingray කියන මොඩල් එක ගැන විතරයි. කොහොම උනත් මේ හැම මොඩල් එකකම පිටත පෙනුම බොහෝ දුරට සමානයි. ප්‍රධාන ලාම්පු, බෆර්, ස්කර්ටින්ග් වගේ දේවල් වල තමයි වෙනස්කම් තියෙන්නේ. 1993 නිෂ්පාදනය කරන්න පටන් ගත්තු මේ වාහනේ හය වෙනි පරම්පරාව තමයි 2017 ඉඳල මාර්කට් එකට එන්නේ. මේක ජපානයේ KEI වාහන වර්ගයට අයත් වෙන නිසා නිෂ්පාදකය විසින් මේකේ මුලික පෙනුම සහ එන්ජින් ධාරිතාව වෙනස් කරන්න උත්සාහ කරලා නෑ එදා ඉඳල අද වෙනකම්ම. තව දෙයක් තමයි මේ වාහනේම MAZDA ආයතනයෙන් Flair කියල මොඩල් එකක් විදිහටත් මාර්කට් එකට නිකුත් කරනවා. මුලිකවම මේ වාහන දෙකම එකයි. මිල විතරයි වෙනස්. දැන් අපි රිවීව් එක පැත්තට හැරෙමු.

 

 

එයාර් බෑග්, ABS Brake, Multi- Function Steering Wheel, Idle Stop, Fog Lamps, Alloy Wheels, Rear Wiper, Power & Winker Mirrors, Rear Spoiler, Push Start, Seat Heater System වගේ ගොඩක් විශේෂාංග මේ වාහනේට ඇතුලත් වෙනවා. මේ රේන්ජ් එකේ ගන්න පුළුවන් වාහන වලින් ඔප්ෂන්ස් ගොඩක් තියෙන වාහනයක් විදිහට ඒ නිසා මේක හඳුන්වන්නත් පුළුවන්. මේ හැම දේටම අමතරව තව පොඩි පොඩි ඔප්ෂන් ගොඩක් මේ වාහනේ එක්ක එනවා. 

 

 

මේ වාහනේට එයාර් බෑග් දෙකක් ඇතුලත් කරලා තියෙනවා. ඒ ඩ්‍රයිවර් ට සහ ඉස්සරහ ගමන් කරන මගියාට. ඊට අමතරව ABS Brake සිස්ටම්, ඔටෝ බ්රේක් සිස්ටම් එහෙමත් එනවා. ඒ උනාට ඔටෝ බ්රේක් එන්නේ සේෆ්ටි පැකේජ් එක්ක එන මොඩල් එකේ විතරයි. නමුත් ලංකාවේ පාරවල් වල මේ ඔටෝ බ්රේක් ​ඔන් කරගෙන ගමන් යන එක ටිකක් අනතුරුදායකයි. ​ඒකට හේතුව තමයි ලංකාවේ පාරවල් වල වාහන කිසි පිළිවෙලක් නැතුව ධාවනය කිරීම නිසා නිරන්තරයෙන් මේ බ්රේක් ඔන් වීම සිද්ද වෙනවා. ඉතින් ඒ අවස්ථාවේදී ඇතුලට ගොඩක් ​ඒක දැනෙනවා. අනිත් එක එහෙම බ්රේක් ඔන් වෙන වෙලාවට පිටිපස්සෙන් එන වාහනේ ඔබේ වාහනේ වදින්න ඉතා ලොකු ඉඩක් තියෙනවා. ඒ හේතුව නිසාම AMW එකෙන් ගෙන්නන වාහන වල ඒගොල්ලෝ සේෆ්ටි ඔප්ෂන් එක නැතුව තමයි ගෙන්නන්නේ.

 

 

මේ වාහනේ සෙමි හයිබ්‍රිඩ් එකක් නිසා ලංකාවේ පාරවල් වල සාමාන්‍යයෙන් ලීටරයකට 22ත් 26ත් අතර ප්‍රමාණයක් වැඩ කරනවා. ඒක ඉතාමත්ම හොඳ කාර්යක්ෂමතාවයක් මේ මිලට ගන්න පුළුවන් වාහනේකට. තව මේ වාහනේට එන්නේ ලීටර් 27ක ධාරිතාවයක් තියෙන තෙල් ටැංකියක්. 

 

 

Sri News Media

LEAVE A REPLY

Please enter your comment!
Please enter your name here