Lifie Car Review – රෙනෝල්ට් ක්විඩ් (Renault Kwid) – Sri News

0
13

ඔන්න අදත් ගොඩක් දෙනෙක්ගේ ඉල්ලීම ඉෂ්ට කරන්න ඕනෙ නිසා රිවීව් කරන්න ගෙනාවේ රෙනෝල්ට් ක්විඩ් කියන වාහනය. ඇල්ටෝ එකට බොහෝ සෙයින් සමානකම් තියෙන, ඇල්ටෝ එකට තරගයක් දෙන්න ඇල්ටෝ එක ගෙන්නන සමාගමෙන්ම ගෙන්නන තව වාහනයක් තමයි ක්විඩ් කියන්නේ. 2015 අවුරුද්දේ තමයි මේ වාහනය ප්‍රථම වතාවට නිෂ්පාදනය කරන්න පටන් ගන්නේ. මේ වාහනේ ගැන විශේෂ දෙයක් කියන්න ඕන. ඒ තමයි පෙනුමෙන් මේ කාර් එක SUV එහෙම නැත්නම් Sport Utility Vehicle එකක් විදිහට නිර්මාණය වීම. දැනට ලංකාවේ මාර්කට් එකේ තියෙන බජට් වාහන පන්තිය නියෝජනය කරන එකම SUV පෙනුමට සමාන පෙනුමක් තියෙන එකම වාහනය ක්විඩ් එක පමණයි. හැබැයි වැරදි වැටහීමක් ගන්නෙපා. අපි මේ කියන්නේ පෙනුම ගැන විතරයි. Performance සහ Specs ගැන නෙමෙයි. හරි එහෙනම් පුරුදු විදිහට වැඩේට බහිමු. ඊට කලින් කියන්න ඕනෙ. මේ වාහනේ ඔටෝ මැනුවල් මොඩල්ස් දෙකම තියෙනවා. ඒ වගේම 800 එන්ජින් එකක් තියෙන මොඩල් එකක් වගේම 1000 එන්ජින් එකක් තියෙන මොඩල් එකකුත් තියෙනවා. ඒ ටිකත් මතක තියාගෙනම වැඩේ පටන් ගමු.

 

 

බොහෝ දුරට ඇල්ටෝ එකට සමාන ඔප්ෂන් තමයි මේ වාහනෙත් එන්නේ. නමුත් ඉහ​ළ ග්‍රේඩ් වලට සමහර අතිරේක ඔප්ෂන්ස් එහෙමත් දීල තියෙනවා. මුලිකවම ෆුල් ඩිජිටල් මීටර් පැනල් එක. ​ඒකේ fuel Level Indicator එකත් ඩිජිටල් විදිහට නිර්මාණය කරලා තියෙනවා වගේම fuel consumption එකත් පෙන්නුම් කරනවා. අනිත් විශේෂ දේ තමයි 7” ඩිස්ප්ලේ එකක් තියෙන ප්ලේයර් එකකුත් එනවා. ඇල්ටෝ එක වගේම ඉදිරිපස විතරක් පවර් ෂටර්ස් පහසුකම තියෙනවා. තව  ඉහල ග්‍රේඩ් වලට රිමෝට් කී, සෙන්ට්‍රල් ​ලොකින්ග් සිස්ටම්, ෆොග් ලාම්පු වගේ දේවලුත් එනවා.

 

 

ඩ්‍රයිවර් සයිඩ් එකට එයාර් බෑග් එකක් එක්ක තමයි දැන් එන හැම මොඩල් එකම එන්නේ. ඒ වගේම කලින් කිව්වා වගේ සෙන්ට්‍රල් ​ලොකින් එහෙමත් ඒ ඉහ​ළ ග්‍රේඩ් වල තියෙනවා. නමුත් ආරක්ෂාව සම්බන්​ධයෙන් බැලුවොත් මේ වාහනේට ASEAN NCAP ටෙස්ට් එකෙන් අගය ලැබිල තියෙන්නේ බින්දුවක් විදිහට. ඒ කියන්නේ තරු පහෙන් තරු බින්දුවයි. ඉතින් ආරක්ෂාව සම්බන්​ධයෙන් එච්චර සැහීමකට පත් වෙන්න බෑ. නමුත් ගොඩක් අය කියන්නේ ඒ ගා​ණට මහා ලොකු ආරක්ෂාවක් බලාපොරොත්තු වෙන්න බෑ කියල තමයි. නමුත් පහෙන් බින්දුවයි කියන්නේ ටිකක් හිතට අවුල් නේද?

 

 

ලංකාවේ පාරවල් වල සාමාන්‍යයෙන් ලීටරයකට කිලෝමීටර් 17-20 අතර කාර්යක්ෂමතාවයක් තියෙනවා. ඒක සාපේක්ෂව හොඳ කාර්යක්ෂමතාවයක් හැටියට ගන්න පුළුවන්. ඉන්ධන ටැංකියේ ධාරිතාව ලීටර් 28 ක් වෙනවා. ඒ නිසා ඉන්ධන කාර්යක්‍ෂමතාවය පැත්තෙන් නම් මේ වාහනේ සාපේක්ෂව හොඳ තැනක ඉන්නවා කියල කියන්න පුළුවන්. 

 

 

Sri News Media

LEAVE A REPLY

Please enter your comment!
Please enter your name here