Envelope Budgeting System ගැන ඉගෙන ගමු! – Sri News

0
5

මේක අපි කාට උනත් එක වගේ වැදගත් කතාවක්. කවුරුත් උනන්දුයිනෙ තමන්ගෙ අදායම ගෙදරදොර වියදම් අතරෙ හරියට බෙදලා අමාරුවේ නොවැටී ඉන්න. මේ එහෙම උවමනාවක් තියෙන හැමෝටම වැදගත්වෙන Envelope Budgeting System එක ගැනයි. තේරෙන සිංහලෙන් කිව්වොත් ලියුම් කවර ක්‍රමය, එහෙමත් නැත්තම් ලියුම් කවර අයවැය ක්‍රමය වගේ නමක් එන තේරුමක් තමයි තියෙන්නෙ. කලිනුත් කිව්ව වගේ මේක ගෙදරදොරේ වියහියදම් හොඳ පාලනයක් ඇතුව කරන්න පාවිච්චි කරන්න පුළුවන් ලෝකයේම පිළිගත්ත ක්‍රමයක්. මූල්‍ය විනය මදි කියල හිතෙන, වියදම් පාලනය කරන්න නොතේරෙන අයට එහෙමත් සෑහෙන්න ඵලදායී ක්‍රමයක් මේක. ඉතින් හුඟක් දෙනෙක් පාවිච්චි කරල හොඳයි කියල අනුමත කරන නිසාම අපි හිතුව මේ Envelope ක්‍රමය ගැන කියල දෙන්න. 

 

 

මුලින්ම කියමුකො මේකෙ අගමුල. මේ ක්‍රමය හොයාගෙන තියෙන්නෙ ඇමරිකාවේ ඩේව් රැම්සේ කියන පුද්ගලයා. හොඳම වැඩේ කියන්නෙ මේ පුද්ගලයා ආර්ථික විශේෂඥයෙක්වත් ඒ ක්ෂේත්‍රයේ මහා ලොකු තැනක් තියෙන කෙනෙක්වත් නෙමෙයි. මුල්‍ය අංශයට සම්බන්ධ උපාධියක් තියෙන ව්‍යාපාරිකයෙක්. ඒ  වගේම මුදල් පාලනය සම්බන්ධ පොත් ලියන්නෙක් සහ ප්‍රසිද්ධ රේඩියෝ වැඩසටහනක් ඉදිරිපත් කරන්නෙක්. ඉතින් මේ ඩේව් හොයාගත්ත ලියුම් කවර ක්‍රමය තමයි මෙන්න මේක.

මේ ක්‍රමයෙන් වෙන්නෙ මාසිකව ඔයාට ලැබෙන ආදායමෙන් එක එක ප්‍රභේදයන්ට ඒ කිව්වෙ ගෙදර විවිධ වියදම්, ගෙවල් කුලී, ආහාර, බිල්පත් වගේ ඒවට වෙන වෙනම අවශ්‍ය කොච්චර මුදල් ප්‍රමාණයක්ද කියන එක තීරණය කරලා ඒ මුදල් ලියුම් කවර වලට වෙන් කරල දාගෙන වියදම් කරන එක. මේ ක්‍රමයෙන් මූලිකවම සිදුවෙන්නෙ හිතුමනාපෙට කිසිම හෙවිල්ලක් බැලිල්ලක් නැතුව කරන අනවශ්‍ය වියදම් පාලනය වෙන එක. 

 

 

මාසෙ මුදල් වියදම් කරනකොට අපේ අතින් වෙන මේ සීමාවක් නැතුව කෙරෙන වියදම් වලට ලොකුම හේතුව තමයි මෙන්න මේ දේට වියදම් කළා දැන් ඇතියි කියල කියන්න කිසිම මිණුම් දණ්ඩක් නැතිකම. අන්න එතැනදී තමයි මේ ක්‍රමය අපිට වැදගත් වෙන්නෙ. බලමුකො කොහොමද මේ කියන අමුතුපහේ සිස්ටම් එක වැඩ කරන්නෙ කියල.

 

 

 

මුලින්ම කරන්න ඕන පෑනක්, කොළයක් හරි එහෙමත් නැත්තම් එක්සෙල් ෂීට් එකක් හරි අරගෙන තමන්ගෙ මාසික ආදායමයි ඒකෙන් කරන්න තියෙන වියදම් ටිකයි වෙන් කරලා හඳුනාගන්න එක. ඊළඟට අදායම අනුව ඒ ඒ කැටගරි එකට කොච්චර මුදල් ප්‍රමාණයක් වියදම් කරන්න පුළුවන්ද කියල ලියාගන්න. උදාහරණයක් කිව්වොත් මෙන්න මෙහෙමයි. ගෙවල් කුලිය රු. 25,000 / පාසල් ගාස්තු රු. 12,000 / ආහාර වියදම් රු. 10,000 වගේ. ඒ වගේම ඒ මාසෙට එන්න තියෙන උපන්දින පාර්ටි, මඟුල් ගෙවල්, බණ ගෙවල් වගේ ඔක්කොම අතිරේක වියදම් ටිකත් කලින්ම ප්ලෑන් කරල ගාණක් වෙන්කරල තියාගන්න.

 

Sri News Media

LEAVE A REPLY

Please enter your comment!
Please enter your name here