Eco Ceylon Global නිෂ්පාදනයක් වන Eco Balm Golden Inmediens සම්මාන දිනයි – Sri News | Sri Lanka Business News

0
11

මෙරට කීර්තිමත් ආයුර්වේද නිෂ්පාදන සමාගමක් වන Eco Ceylon Global පෞද්ගලික සමාගම නිෂ්පාදනය කරන Eco Balm Golden Inmediens Awards 2023 සම්මාන උළෙලේදී වසරේ වඩාත් ජනප්‍රිය වේදනා නාශක ආලේපනය ලෙස සම්මානයට පාත්‍ර විය. සමාගමේ නිර්මාතෘ සහ කළමනාකාර අධ්‍යක්ෂිකා යමුනා කාලියදාස මහත්මිය වෙත සම්මානය පිරිනමන ලදී.‍ කොන්දේ වේදනාව, මාංශපේශි කැක්කුම, කරකැවිල්ල, සෙම්ප්‍රතිශ්‍යාව, උළුක්කු, කැක්කුම, හිසරදය, කිවිසුම් යාම සහ කෘමීන් දෂ්ට කිරීම් වැනි තත්ත්ව සමනය කිරීමට භාවිත කළ හැකි මෙම ආලේපනය Eco Balm White සහ Eco Balm Red යනුවෙන් දෙවර්ගයකි. කපුරු, කරාඹුනැටි තෙල්, පෙපර්මින්ට් තෙල් සහ කැජුපුට් තෙල් යන අමුද්‍රව්‍යවලින් නිපදවන Eco Balm ග්‍රෑම් 5, 10 සහ 30 යන ප්‍රමාණවලින්  වෙළෙඳපොළට නිකුත් කෙරේ.

2012දී ඇරඹූ Eco Ceylon Global සමාගම දශකයකට වැඩි කාලයක් ජනතාවගේ සෞඛ්‍යය සහ සනීපාරක්ෂාව ඉහළ නංවන ආයුර්වේද නිෂ්පාදන රැසක් හඳුන්වා දී ඇත. 100%ක් ස්වාභාවික අමුද්‍රව්‍යවලින් නිපදවන ඒවා අතුරු ආබාධ ඇති නොකරන බව විද්‍යාත්මකව තහවුරු කර තිබේ. සමාගම මදුරු විකර්ෂක, ඉකෝ ඔයිල්, වින්ටෝජෙල්, දත් කැක්කුම සඳහා යොදන දියර, අත් සේදුම් දියර, තුවාලවල ගල්වන ආලේපන, වින්ටෝස්ප්‍රේ, එක්ස්-ට්‍රීම්, අත් සෝදන සබන්, පේයාව පානය, සුවධරණි, ආයුලැක්ස්, ආයුඩොල් සහ ඩ්‍රීම් වැනි නිෂ්පාදන රැසක් වෙළෙඳපොළට නිකුත් කරයි. දේශීය සහ ජාත්‍යන්තර ප්‍රමිතිවලට අනුකූලව සකසන එම නිෂ්පාදන ආයුර්වේද දෙපාර්තමේන්තුවේ අනුමැතිය සහ රාජ්‍ය ඖෂධ නීතිගත සංස්ථාවේ ලියාපදිංචිය ලබා ඇත. දේශීය වෛද්‍ය රාජ්‍ය අමාත්‍යංශය, ලංකා ආයුර්වේද ප්‍රවර්ධන සමාගම, ආයුර්වේද දෙපාර්තමේන්තුව සහ ආයුර්වේද ඖෂධ සංස්ථාව සංවිධානය කළ Golden Inmediens සම්මාන උළෙල වෝටර්ස් එජ් හෝටලයේදී පැවැත්විණි. අග්‍රාමාත්‍ය දිනේෂ් ගුණවර්ධන, දේශීය වෛද්‍ය රාජ්‍ය අමාත්‍ය සිසිර ජයකොඩි, කැබිනට් හා රාජ්‍ය අමාත්‍යවරු සහ ඉහළ පෙළේ රාජ්‍ය නිළධාරීහු ඊට සහභාගී වූහ.

Sri News Media

LEAVE A REPLY

Please enter your comment!
Please enter your name here