BMI – Body Mass Index හෙවත් ශරීර ස්කන්ධ දර්ශකය ගැන හරියටම දැනගමු – Sri News

0
70

ස්ථුලතාවය කියල කියන්නෙ ලෝකයේ හුඟ දෙනෙක් මුහුණපාන ගැටළුවක්. කාර්යබහුල ජීවන රටාවන්, සෞඛ්‍යාරක්ෂිත නොවන ආහාර පුරුදු වගේ හුඟක් හේතු නිසා අද කාලේ කාන්තා පිරිමි දෙපාර්ශවයම පොදුවේ මේ ගැටළුවට මුහුණ දෙනවා. ඒ වගේම අනිත් පැත්තට බර අඩුකරගන්න හැටි, ව්‍යායාම කරන හැටි, BMI එක පවත්වා ගන්න හැටි ගැන එහෙම ලොකුවට කතාබහ වෙනවා. ඇත්තට මොකක්ද මේ BMI එක? බර අඩුකරගන්න කතාකරන, ඒ වගේම හුඟක් ලෙඩරෝග සම්බන්ධයෙන් කතාබහ වෙන හැම වෙලාවකම කියවෙන මේ BMI එක ගැන සමහර දෙනෙක් ඇත්තටම දන්නෙ නැහැ. ඒ නිසාම අපි හිතුවා නිතර කතාබහ වෙන මේ BMI එක කියන්නෙ මොකක්ද කියන එක ගැන වැඩිදුර විස්තර ටිකක් කතා කරන්න. 

 

BMI එහෙමත් නැත්තම් ශරීර ස්කන්ධ දර්ශකය කියල කියන්නෙ බොහොම සරලව කිව්වොත් ඕනම කෙනෙකුගේ උසට සරිලන විදිහට පවත්වාගත යුතු බර ප්‍රමාණය. ඒ කිව්වේ මහත් වෙන එක හොඳ නැහැ වගේම උවමනාවට වඩා කෙට්ටු වෙන එකත් ඇඟට හොඳ නැහැ. උසට අවශ්‍ය බර ප්‍රමාණය තියාගන්න ඕන.

අධික බර කියල කියන්නෙ දියවැඩියාව, හෘද රෝග වගේ හුඟක් රෝග වලට හේතුවක්. ඒ වගේම අධික කෘෂ බවත් ලෙඩරෝග වලට හේතුවක්. ඒ නිසා තමයි මේ විශේෂ ක්‍රමයකට හොයාගන්න BMI එක අනුව බර පවත්වාගන්න එක කාටත් වැදගත්. 

 

මේ BMI කියන සංකල්පයේ මූලිකම අදහස ඒ  කිව්වේ උස බර සම්බන්ධ social physics කියල ක්‍රමයක් මුලින්ම ප්‍රකාශයට පත්කරන්නේ 1830ත් 1850ත් අතර කාලයේදී බෙල්ජියානු තාරකා විද්‍යාඥ, ගණිතඥ, සංඛ්‍යාලේඛනඥ වගේම සමාජ විද්‍යාඥයෙක් විදිහටත් කටයුතු කරපු Adolphe Quetelet කියන පුද්ගලයා. පහුකාලීනව දැන් අපි භාවිතා කරන හරිම BMI – Body Mass Index එහෙමත් නැත්තම් ශරීර ස්කන්ධ දර්ශකය කියන ක්‍රමය හඳුන්වා දෙන්නේ 1972දී Ancel Keys කියන පුද්ගලයා මූලික කරගත්තු කණ්ඩායමක් විසින්. 

 

කලිනුත් කිව්ව වගේ අධිබර කියල කියන්නෙ දෙවන මට්ටමේ දියවැඩියාව, අධි රුධිර පීඩනය, හෘද කපාට සම්බන්ධ ගැටළු වගේ හුඟක් ගැටළු වලට හේතුවක්. ඒ වගේම කෘෂ බව කියල කියන්නෙත් පෝෂණ ඌණතා, ඔස්ටියෝපොරෝසිස්, රක්තහීනතාවය වගේ හුඟක් ගැටළු වලට හේතුවක්. ඉතින් මේ  BMI  එක ගැන දැනගෙන ඉඳීමෙන් මේ ගැටළු අවම කරගෙන ශරීරයට තිබිය යුතු බර පවත්වාගන්න පුළුවන් වගේම ඉදිරියේදී ඇතිවිය හැකි සෞඛ්‍ය අවධානම් ගැනත් කලින්ම දැනුවත් වෙලා ඉන්න පුළුවන්.

 

 

ඔන්න ඊළඟට බලමු මේ කියන BMI එක ගණනය කරන්නේ කොහොමද කියලා. ශරීරයේ උස සහ දැනට පවතින බර කියන දෙක යොදාගෙන තමයි මේ ගණනය කිරීම සිදු කරන්නේ. මේකට තියෙනවා සමීකරණයක්. ඒ මෙන්න මේකයි.

Sri News Media

LEAVE A REPLY

Please enter your comment!
Please enter your name here