ආසියානු නැඟි එන ක්‍රිකට් සූරයන්ගේ තරගාවලියට සහභාගි වන ශ්‍රී ලංකා ඒ කණ්ඩායමේ දුශාන් හේමන්ත සිය දඟ පන්දු යැවීමෙන් ලකුණු 23 ට කඩුලු 6 ක් දවා ගන්නට සමත් වුව ද,ශ්‍රී ලංකාවට තරගයෙන් ජය ලැබීමට අවස්ථාව උදා වුණේ නැහැ.ශ්‍රී ලංකාව කාසියේ වාසිය ලැබ පළමුව පන්දුවට පහර දීමට තීරණය කළ අතර දුශාන් හේමන්ත ඔවුන්ගේ දැවි ගිය කඩුලු හයම තමන් සන්තකයට ගනු ලැබුවා.ඒ තර්ජනය හමුවේ වුව ඇෆ්ගන් කණ්ඩායම ලකුණු 166 ක් කඩුලු 6 ට ලබා ගන්නට සමත් වුණු අතර ඇෆ්ගන් ඉණිම පොහොසත් කරමින් සෙදිකුල්ලා අටාල් (83) සහ ෂුබයිද් අක්බාරි (57) ආරම්භක කඩුල්ල වෙනුවෙන් ලකුණු 142 ක හොඳ අඩිතාලමක් ලබා දුන්නා.
ඔවුන් දෙදෙනා ආරම්භක කඩුල්ල නොබිදා 16 වන ඕවරය තෙක්ම ගෙන ගිය අතර දැවී ගිය කඩුලු 6 ම ඉන් අනතුරුව ලකුණු 24 ක් තුළ බිදී යාමත් විශේෂ සිදුවීමක් වුණා.
පිළිතුරු ඉණිමට පිවිසි ශ්‍රී ලංකා කණ්ඩායම වෙනුවෙන් සාර්ථකම ඉණිම දියත් කළ නුවනිඳු ප්‍රනාන්දු පන්දු 32 ක් තුළ ලකුණු 51 ක් රැස් කරන්නට සමත් වුණා.එවැනි ඉණිමක් පන්දු යවන්නන්ට ජයග්‍රහණයෙන් මෙපිට නවතාගන්නට හැකි අවාසනාවන්තම ක්‍රමය වූ දුවද්දි දැවී යාමට නුවනිදු ගොදුරු වීමත් සමඟ කෙමෙන් බිඳ වැටුණු ශ්‍රී ලංකා කණ්ඩායම ජයග්‍රහණය ලකුණු 11 ක් මෙපිට සිටියදි 20 වන ඕවරයේ තුන්වන පන්දුවේදී ලකුණු 155 ට සියලු දෙනා දැවී ගියා.
පහතින් දැක්වෙන්නේ තරගයේ ලකුණු පූවරුවට පිවිසෙන මඟයි.
https://es.pn/3UDlaX5
http://www.sportwaynews.com
Sri News Media
