ඒ, හම්බන්තොට ප්‍රදේශයේ නව තෙල් පිරිපහදුවක් ඉදිකිරීමට අදාළවය.
මෙරට විදුලිබල හා බලශක්ති අමාත්‍යාංශය සහ චීනයේ සයිනොපෙක් සමාගම අතර එම ගිවිසුම අත්සන් තැබීම සිදුවිය.
ඩොලර් බිලියන 3.7ක සෘජු විදේශ ආයෝජනයක් ලෙස එම තෙල් පිරිපහදුව ඉදිකිරීමට යෝජිත අතර එය තෙල් බැරල් ලක්ෂ 02ක ධාරිතාවකින් යුත් වන බවත් ඉන් අතිවිශාල ප්‍රමාණයක් අපනයනය කිරීමට සැලසුම් කර ඇති බවත් සඳහන්.
චීනයෙන් ලද මෙම දැවැන්තම ආයෝජනය හරහා මෙරට ආර්ථික වර්ධනයට මෙන්ම හම්බන්තොට ප්‍රදේශයේ අඩු ආදායම්ලාභී ජනතාවගේ ජීවනෝපායමාර්ගද ශක්තිමත් කිරීමට මෙය අවස්ථාවක් වනු ඇති බවයි මේ සම්බන්ධයෙන් නිවේදනයක් නිකුත් කරමින් ජනාධිපති මාධ්‍ය අංශය පවසන්නේ.
මෙම ගිවිසුම අත්සන් තැබීමේ අවස්ථාවට විදේශ කටයුතු,විදේශ රැකියා හා සංචාරක අමාත්‍ය විජිත හේරත්,ප්‍රවාහන හා මහාමාර්ග සහ වරාය හා සිවිල් ගුවන්සේවා අමාත්‍ය බිමල් රත්නායක,රජයේ ප්‍රවෘත්ති දෙපාර්තමේන්තුවේ අධ්‍යක්ෂ ජනරාල් එච්.එස්.කේ.ජේ.බණ්ඩාර යන මහත්වරු එක්විය.
ආශිකා බ්‍රාහ්මණ
Sri News Media
