ඉදිරි මැතිවරණවලට ඉදිරිපත්විය යුත්තේ මෙම කණ්ඩායම් දෙකම එකට බවයි වික්‍රමසිංහ මහතා පවසා ඇත්තේ.
කඩුවෙල ආසනයේ සමඟි ජන බලවේගයේ පලාත් පාලන නියෝජිතයන් පිරිසක් මල් පාරේ පිහිටි එජාප මැතිවරණ මෙහෙයුම් කාර්යාලයේ දී රනිල් වික්‍රමසිංහ මහතා හමු වූ අවස්ථාවකදී මේ බව පවසා තිබේ.
කෙසේවෙතත් සමඟි ජන බලවේගයේ වැඩිදෙනෙක් යළි එක්සත් ජාතික පක්ෂය හා එක්වීමට කැමැත්තෙන් සිටින බවත් ඊට ප්‍රධානම හේතුව සජිත් ප්‍රේමදාස මහතාට තවදුරටත් පක්ෂය මෙහෙයවා ගැනීමට නොහැකි වීම බවත් සඳහන්.
මේ අතර ඊයේ පස්වරුවේ කොළඹදී මාධ්‍ය වෙත හිරුණිකා ප්‍රේමචන්ද්‍ර මහත්මියද පැවසුවේ සජිත් ප්‍රේමදාස මහතා තමන්ගේ අඩුපාඩු නිවැරදි කර නොගන්නේ නම් බහුතරයක් දෙනා එක්සත් ජාතික පක්ෂය හා නැවත එක්වනු ඇති බවයි.
එමෙන්ම එක්සත් ජාතික පක්ෂයද මේ වන විට දැඩි උත්සාහයක නිරත වෙමින් සිටින්නේ සමඟි ජන බලවේගය හෝ ඉන් සාතිශය බහුතරයක් යළි සිරිකොතට එක්කර ගැනීම වෙනුවෙන් බවද වාර්තා වෙයි.
ඒ බව එජාප නව මහ ලේකම් තලතා අතුකෝරළ මහත්මියද තහවුරු කරමින් පැවසුවේ මෙම කණ්ඩායම් දෙක එක්කිරීමට තමන් කෙසේ හෝ කටයුතු කරන බවයි.
Sri News Media
