විදුලි බිල දවසින් දෙකින් අඩු කරන්නේ යැයි ජාතික ජන බලවේගය කිසිදු අවස්ථාවක ප්‍රකාශ කර නොමැති බව බලශක්ති අමාත්‍ය ඉංජිනේරු කුමාර ජයකොඩි මහතා පවසයි.
“විදුලි බිල අඩුකරන්න තමයි අපේ අරමුණ. ඒක ඇත්තටම දවසෙන් දෙකෙන් කරනවා කියලා අපි කොහෙවත් කියලා නෑ. අපි අවුරුදු තුනක් ඇතුළත කරන්න යන්නෙ. මොකද විශේෂයෙන්ම පසුගිය පාලනයන් විසින් කරන ලද දූෂිත පාලනයන්වල ප්‍රතිඵල ජනතාවට විඳින්න සිදුවෙලා තියෙනවා. ඒ නිසා විදුලිබල මණ්ඩලය බිලියන 332ක ණයකින් පෙළෙනවා. ඒ වගේම වැඩි මිලට විදුලිය මිලදී ගැනීම් වරින් වර රුපියල් 22ට පටන් ගත්තු එක 37ට ගිහිල්ලා ඊටපස්සෙ ආපහු 27ට ඇවිල්ලා තියෙනවා. විදුලිබල මණ්ඩලයෙන් අපට මූලික කැල්කියුලේශන් එක හම්බුණේ 37%ක් වැඩි කරන්න. ඒක හින්දා අපට කාලයක් යනවා. අපි කියලා තියෙන්නෙ විදුලි බිල අඩුකරනවා කියලා අවුරුදු තුනක් ඇතුළත තමා 30% අඩු කරන්නෙ”
අමාත්‍ය ඉංජිනේරු කුමාර ජයකොඩි මහතා මේ බව පැවසුවේ ඊයේ (ජනවාරි 09) පාර්ලිමේන්තුවේදී සමගි ජන බලවේගයේ පාර්ලිමේන්තු මන්ත්‍රී දයාසිරි ජයසේකර මහතා නැඟූ ප්‍රශ්නයකට පිළිතුරු ලබාදෙමිනි.
RN
Sri News Media
