මෙකී සලෝචන ගමගේ යනු කොළඹ ප්‍රධාන මහේස්ත්‍රාත් තිලිණ ගමගේ මහතාගේ වැඩිමහල් සහෝදරයා බව වාර්තා වේ. දිනේෂ් ගුණවර්ධන මහතාගේ නායකත්වයෙන් යුත් මහජන එක්සත් පෙරමුණ යටතේ එක්සත් ජනතා නිදහස් සන්ධානයෙන් බස්නාහිර පළාත් සභාවට තරග කළ ඔහු දැඩි රාජපක්ෂවාදියෙකු ලෙස සැලකේ.
තුෂාර වර්ණසූරිය නම් ව්‍යාපාරිකයකුගේ නැන්දණියට අයත් ටොරින්ටන් ඇවනිව් ප්‍රදේශයේ පිහිටි ඉඩමක් නාගරික සංවර්ධන අධිකාරියට පවරා ගැනීමෙන් පසු එම ඉඩමට අදාළ වන්දිය ලබාගැනීම සඳහා අවශ්‍ය කටයුතු කරදීම වෙනුවෙන් රුපියල් ලක්ෂ 90ක් අල්ලස් වශයෙන් ඉල්ලා එය ලබාගන්නා අවස්ථාවේදී සැකකරුවන් දෙදෙනා අත් අඩංගුවට ගෙන ඇත.
ඊයේ පස්වරුවේ පිටකෝට්ටේ ප්‍රදේශයේදී මෙම අත් අඩංගුවට ගැනීමට සිදුකර ඇති අතර සලෝචන ගමගේට අමතරව එහිදී අත් අඩංගුවට ගෙන ඇත්තේ දුෂාන්ත දිනේෂ් රත්නායක නමැති ව්‍යාපාරිකයෙකි.
සැකකරුවන් දෙදෙනා අද (දෙසැම්බර් 28) කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමට නියමිත බව වාර්තා විය.
බස්නාහිර පළාත් සභාවේ හිටපු මන්ත්‍රී සලෝචන ගමගේ මීට පෙර 2019 වසරේදී බීමත්ව රිය පැදවීමේ සිද්ධියක් සම්බන්ධයෙන් පොලීසිය විසින් අත් අඩංගුවට ගෙන තිබුණු අතර ඔහු පිළියන්දල පොලිස් ස්ථානයේ කූඩුව තුළ සිටියදීම පොලිසියට තර්ජනය කරමින් කළහකාරී ලෙස හැසිරුණු ආකාරය මාධ්‍ය වාර්තා කර තිබුණේ මෙසේ ය.
Sri News Media
