ලබන වසරේ මැයි 7 වනදා, මිග්යානා ගණුදෙනුවට අදාළ නඩුව නීතිපති උපදෙස් සඳහා යළි කැඳවීමට කොටුව මහේස්ත්‍රාත් අධිකරණය නියම කළ අතර, මිග් යානා මිලදී ගැනිමේ දී වංචා සිදුවූ බවට වන මෙම නඩුව සඳහා අපරාධ පරීක්ෂණ දෙපාර්තමේන්තුව චෝදනා ගොනුකර තිබෙන බව සඳහන් වේ.
මේ සම්බන්ධයෙන් ඇප මත මුදා හැර සිටින රුසියාවේ හිටපු තානාපති උදයංග වීරතුංග යන අය නඩුව කැඳවූ අවස්ථාවේ අධිකරණය හමුවේ පෙනී සිට ඇති අතර, ඔහුගේ විදෙස් ගමන් තහනම ඉදිරි නඩු දින දක්වා ඉවත් කරන ලෙස කළ ඉල්ලීමට ද අධිකරණය අවසර ලබා දී ඇත.
අදාළ නඩුවේ ප්‍රධාන සැකකරුවන් ලෙස නම් කර සිටින සිංගප්පුරු ජාතිකයන් වෙනුවෙන් ජනාධිපති නීතිඥ මෛත්‍රී ගුණරත්න මහතා කරුණු දැක්වූ බව සඳහන් වේ.
Sri News Media
