ජාතික ක්‍රීඩාවේ අනාගතය වර්ණ ගන්වන ඩීඑස්අයි සැණකේළියේ උච්චතම මොහොතට අගමැතිණිය

ශ්‍රී ලංකාවේ ජාතික ක්‍රීඩාවේ අනාගතය සවිගන්වන වර්ණවත් සැණකේළිය වන ඩීඑස්අයි වොලිබෝල් තරගාවලියේ සමාප්ත සමාචාර උත්සවය පැවත්වෙන නොවැම්බර් 30 වන දින ජය සංඛේත ප්‍රදානයට ප්‍රධාන ආරාධිත අමුත්තිය ලෙස අග්‍රාමාත්‍ය හරිනි අමරසූරිය සහභාගි වීමට නියමිතව ඇත.වයස් කාණ්ඩ 5 ක් යටතේ බාලක සහ බාලිකා ලෙස පැවත්වෙන මෙම තරගාවලියේ අවසාන තරග නොවැම්බර් 29 සහ 30 යන දෙදින තුළ කොළම සුගතදාස පිටියේදී පැවත්වීමට නියමිත අතර මෙම තරග සජීවීව නැරඹීමේ අවස්ථාව ක්‍රීඩා ලෝලීන්ට ලබා දීම සඳහා ස්වාධීන රූපවාහිනිය කටයුතු සැළසුම් කර ඇත.

වයස් කාණ්ඩ 5 ක් යටතේ අවසන් තරග 10 ක් පැවත්වෙන මෙම තරගාවලියේ අවුරුදු 11 න් පහළ,අවුරුදු 13 න් පහළ බාලක බාලිකා දෙ‘අංශයෙන්ම නාත්තණ්ඩිය ධම්මිස්සර විද්‍යාලයේ කණ්ඩායම් අවසාන තරගයට පිවිස සිටිනවා.එසේම 15 න් පහළ බාලක සහ 17 න් පහළ බාලක යන තරග අංශ දෙකේමත් ධම්මිස්සරය දකින්නට ලැබෙනවා.එසේම අවුරුදු 15 න් පහළ,17 න් පහළ සහ 19 න් පහළ බාලිකා තරග අංශවල දී හුංගම විජයබා ජාතික පාසල ද අවසන් තරගවලට පිවිස සිටිනවා.එසේම රුවන්වැල්ල රාජසිංහ මධ්‍ය මහා විද්‍යාලය ද අවුරුදු 19 න් පහළ බාලක බාලිකා තරග අංශ දෙකෙන්ම අවසාන තරග නියෝජනය කිරීමද විශේෂ කොට සැළකිය හැකියි

http://www.sportwaynews.com

Sri News Media