පුරාවිද්‍යා දෙපාර්තමේන්තුව මේ දක්වා දිවයින පුරා කරන ලද කැණීම්වලදී නිධන් වදුලුවල සඳහන් පරිදි මහා අනර්ඝ සම්පත් හෝ මූල්‍ය වටිනාකම් සහිත සම්පත් හමුවී නොමැති බව ද ඒ මහතා පැවසුවේය.
පුරාවිද්‍යා අධ්‍යක්ෂ ජනරාල්වරයා මෙම අදහස් පළ කරන ලද්දේ මධ්‍යම අධිවේගී මාර්ගයට යාබදව වේයන්ගොඩ ප්‍රදේශයේ සිදුකරන නිධන් කැණිම සම්බන්ධයෙන් දැනුවත් කිරිම සඳහා අද (23) මහනුවර දී පැවැති මාධ්‍ය හමුවකදීය.
වඳුරඹ කළ කැණීම්වලදී හමුවූ විශාල කළුගල කඩා පරීක්ෂා කළත් පුරාවිද්‍යාත්මක වශයෙන් වැදගත් කිසිවක් හමුනොවුණු බව ඒ මහතා කීවේය. විවිධ පාර්ශවයන් අනවසර කැණීම් කිරීම නිසා කිහිපදෙනෙකු අත්අඩංගුවට පත්වී ඇති බවත් පුරාවිද්‍යා දෙපාර්තමේන්තුව මෙම ප්‍රදේශයේ පුරාවිද්‍යාත්මක වස්තූන් හමුවී නොමැති බවට අවස්ථා කිහිපයකදී වාර්තා කොට ඇති බවත් ඒ මහතා සඳහන් කළේය.
මෙම ස්ථානයේ ස්වාභාවිකව නිර්මාණය වූ ලෝහ සම්බන්ධයෙන් වාර්තා වන බව ද ඒ මහතා පැවසුවේය.
පුරා විද්‍යාත්මක වටිනාකම් සහිත වස්තූන් රැසක් විවධ ප්‍රදේශවලින් හමුවී ඇති නමුත් ඒවා මිල කළ හැකි දෑ නොවන නමුත් පුරාවිද්‍යාත්මක වශයෙන් මිල කළ නොහැකි වස්තූන් වන බව ද පුරාවිද්‍යා අධ්‍යක්ෂ ජනරාල්වරයා තවදුරටත් පැවසුවේය.
නදීක දයා බණ්ඩාර – මහනුවර
Sri News Media
This article is a valuable contribution to the discussion!