22 වැනි DSI Supersport පාසල් වොලිබෝල් තරගාවලිය දියත් කෙරේ – Sri News | Sri Lanka Business News

0
7

DSI සමාගම විසින් 22 වන DSI Supersport පාසල් වොලිබෝල් තරගාවලිය දියත් කරන බව 2024 මැයි 07 වැනිදා කොළඹ 02 නිපොන් හෝටලයේදී පැවැති මාධ්‍ය හමුවේදී නිවේදනය කරන ලදී. ශ්‍රී ලංකාවේ අංක එකේ පාවහන් නිෂ්පාදකයා වන DSI, ශ්‍රී ලංකා වොලිබෝල් සම්මේලනය හා අධ්‍යාපන අමාත්‍යාංශයේ පාසල් වොලිබෝල් අනුකමිටුව සමග අත්වැල් බැඳගනිමින් මෙම පාසල් වොලිබෝල් තරගාවලිය සංවිධානය කරනු ලබයි.

ග්‍රාමීය හා නාගරික පාසල් කේන්ද්‍ර කරගනිමින් වොලිබෝල් ක්‍රීඩාවේ යෙදී සිටින දක්ෂ දරුදැරියන් දිරිගන්වමින් ජාතික තලයට ඔසවා තබන්නට DSI ප්‍රධානත්වයෙන් වර්ෂ 1999 දී ආරම්භ කළ DSI Supersport පාසල් වොලිබෝල් තරගාවලිය ශ්‍රී ලාංකීය වොලිබෝල් ක්‍රීඩා ක්ෂේත්‍රයේ කැපීපෙනෙන දියුණුවකට මග හෙළි කළ සංධිස්ථානයකි. ආරම්භයෙදී ශූරතාවය සඳහා කණ්ඩායම් 198 ක් තරග වැදුණු  DSI Supersport පාසල් වොලිබෝල් තරගාවලිය හරහා එදාමෙදාතුර ශ්‍රී ලංකා වොලිබෝල් ක්‍රීඩා ක්ෂේත්‍රයට දක්ෂ වොලිබෝල් ක්‍රීඩා තරු 400 කට ආසන්න ප්‍රමාණයක් හඳුන්වා දී තිබේ. මෙම වසරේ තරගාවලියට මුළු දිවයිනම නියෝජනය වන ආකාරයෙන් පාසල් වොලිබෝල් කණ්ඩායම් 4000 කට අධික ප්‍රමාණයක් සහභාගී වනු ඇතැයි අපේක්ෂා කෙරේ.

ඩී. සැම්සන් සහ පුත්‍රයෝ පුද්ගලික සමාගමේ කළමනාකාර අධ්‍යක්ෂ තුසිත රාජපක්ෂ මහතා අදහස් දක්වමින්  “DSI Supersport පාසල් වොලිබෝල් තරගාවලියට වසර 22 ක් සම්පූර්ණ වෙන 2024 අවුරුද්ද අපිට විශේෂයි. ශ්‍රී ලංකාවේ වොලිබෝල් ක්‍රීඩා ක්ෂේත්‍රයේ වැදගත්ම සංධිස්ථානයක් වෙනුවෙන් DSI අනුග්‍රාහකත්වය අඛණ්ඩව ලබාදීමට හැකිවීම අප සමාගමට මහත් ගෞරවයක්. වොලිබෝල් ක්‍රීඩාව ශ්‍රී ලංකාව තුළ ප්‍රචලිත කොට සංවර්ධනය කරන්නටත් මුළු දිවයිනම ආවරණය වන ආකාරයෙන් දක්ෂ ක්‍රීඩක ක්‍රීඩිකාවන් ගණනාවක් ජාතික මට්ටමට හඳුන්වා දීමටත් DSI Supersport පාසල් වොලිබෝල් තරගාවලිය සමත්ව තිබෙනවා.” යැයි පැවසීය.

වයස අවුරුදු 11 න් පහල, 13 න් පහල, 15න් පහල, 17න් පහල හා 19න් පහල වයස් කාණ්ඩ අනුව බාලක හා බාලිකා වශයෙන් මෙවර DSI Supersport පාසල් වොලිබෝල් තරගාවලිය පැවැත්වේ. තරගාවලියේ දිස්ත්‍රික් සහ ජාතික මට්ටමේ තරග 2024 ජූනි 15, 16, 22, 23, 29, 30 සහ ජූලි 6, 7, 13, 14, 20, 21 දිනවල පැවැත්වේ. දිස්ත්‍රික් කණ්ඩායම් අතරින් 01 සහ 02 ස්ථාන හිමි කරගන්නා කණ්ඩායම් ජාතික මට්ටමේ තරග සඳහා තෝරා ගැනේ. ජාතික තලයේ තරග 2024 අගෝස්තු 7 සිට 11 වැනිදා දක්වා පැවැත්වේ. 2024 DSI පාසල් වොලිබෝල් තරගාවලියේ අවසන් මහා තරග නොවැම්බර් 2 සහ 3 දෙදින පුරා කොළඹ සුගතදාස ගෘහස්ථ ක්‍රීඩාංගණයේදී පැවැත්වීමට කටයුතු යොදා ඇත.

DSI Supersport පාසල් වොලිබෝල් තරගාවලිය සඳහා ඇතුලත් වීමේ අයදුම්පත් දිවයින පුරා සියළු DSI ප්‍රදර්ශනාගාර වෙතින් ලබාගත හැකිය. වැඩි විස්තර 011-2669344 අංකයෙන් ශ්‍රී ලංකා වොලිබෝල් සම්මේලනයේ දිස්ත්‍රික් 25 සම්බන්ධීකරණ නිලධාරීන් වෙතින්, 0773329702 අංකයෙන් පාසැල් වොලිබෝල් අනුකමිටු ලේඛකාධිකාරී සී. එල්. කුමාර මහතා වෙතින් හෝ [email protected] ඊමේල් ලිපිනයෙන් ශ්‍රී ලංකා වොලිබෝල් සම්මේලනයේ ප්‍රධාන ලේකම් ඒ. එස්. නාලක මහතා වෙතින් ලබාගත හැකිය.

DSI Supersport පාසල් වොලිබෝල් තරගාවලිය සඳහා සම්පූර්ණ කළ අයදුම්පත් ළඟම පිහිටි DSI ප්‍රදර්ශනාගාරයකට ගෙනැවිත් භාර දිය හැකි අතර අලෙවි අංශය, අංක 257, හයිලෙවල් පාර, නාවින්න, මහරගම ලිපිනයට තැපැල් මගින් එවීමද සිදු කළ හැකිය. අයදුම්පත් භාරගැනීම 2024 මැයි මස 31 දායින් අවසන් කෙරේ.

Mr. A. S. Nalaka – General Secretary – Sri Lanka Volleyball

Hon. Kanchana Jayarathna – President – Sri Lanka Volleyball Federation – Vice President – National Olympic Committee of Sri Lanka

Mr. Thusitha Rajapaksa – Managing Director – D Samson & Sons(Pvt) Ltd

 

Image Caption : (Left – Right) Mrs. W.P. I. Samarakoon – President – Sri Lanka Schools Volleyball Association, Mr. Athula Wijewardhane – Director (Physical Education and Sports) – Ministry of Education, Mr. A. S. Nalaka – General Secretary – Sri Lanka Volleyball, Federation, Hon. Kanchana Jayarathna – President – Sri Lanka Volleyball Federation – Vice President – National Olympic Committee of Sri Lanka, Mr. Thusitha Rajapaksa – Managing Director – D Samson & Sons(Pvt) Ltd, Mr. Asanka Rajapaksa – Director – D Samson & Sons(Pvt) Ltd, Mr. Pradeep Samarathunga – General Manager – D Samson & Sons (Pvt)Ltd

Sri News Media

LEAVE A REPLY

Please enter your comment!
Please enter your name here