ඒ අනුව අධිකරණය නියෝග කර ඇත්තේ ශිෂ්යත්ව විභාගයේ පළමු ප්රශ්න පත්රයේ කලින් පිටවූ ප්රශ්න තුන සඳහා නිදහස් ලකුණු ලබාදීමට රජය ගෙන තිබෙන තීරණය තුළින් මූලික මිනිස් අයිතිවාසිකම් උල්ලංඝනය වන බවයි.
මෙම ගැටලුව නිරාකරණය කිරීම සඳහා විශේෂඥයින් විසින් ඉදිරිපත් කර තිබෙන නිර්දේශය තුන අතුරින් සුදුසු නිර්දේශයක් තෝරා ගෙන වහාම එය ක්රියාත්මක කිරීමට පියවර ගන්නා ලෙසයි විනිසුරු මඩුල්ල විසින් විභාග කොමසාරිස් ජනරාල්වරයාට නියෝග කර ඇත්තේ.
එමෙන්ම මෙම ප්රශ්න පත්ර පිටවීමට සම්බන්ධ බවට සැකකරන පුද්ගලයින් වන අයි.ජී.එස්. ප්රේමතිලක විසින් රුපියල් මිලියන තුනක් සහ චමින්ද කුමාර ඉළඟසිංහ විසින් රුපියල් මිලියන දෙකක්ද වන්දි වශයෙන් රජයට ගෙවිය යුතු බවටත් නියෝග කර ඇත.
යසන්ත කෝදාගොඩ, කුමුදුනී වික්රමසිංහ සහ අර්ජුන ඔබේසේකර යන මහත්ම මහත්මීන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල විසින් මෙම තීන්දුව ප්රකාශයට පත් කර තිබේ.
පෙත්සම්කරුවන් සඳහන් කර තිබුණේ ශිෂ්යත්ව විභාගයේ පළමු ප්රශ්න පත්රයේ ප්රශ්න තුනක් පිටවීම හේතුවෙන් එම ප්රශ්න තුන සඳහා විභාගයට පෙනිසිටි සියලු සිසුන්ට නිදහස් ලකුණු ලබාදිමට රජය ගෙන ඇති තිරණයෙන් අසාධාරණයක් සිදුවන බවයි. ඒ තුළින් මූලික අයිතිවාසිකම් උල්ලංඝනය වි ඇති බවට තීන්දුවක් ලබාදෙන ලෙසයි පෙත්සම්කරුවන් අධිකරණයෙන් ඉල්ලා තිබුණේ.
ආශිකා බ්රාහ්මණ
Sri News Media
