2020 අවුරුද්දේ වුණු හොඳ දේවල් – Sri News

0
2

අපේ රටේ විතරක් නෙමෙයි ලෝකෙම ඕනම කෙනෙක්ගෙන් ඇහුවොත් තමන්ගේ ජීවිත කාලය තුළ ලබපු නරකම අවුරුද්ද මොකද්ද කියලා බොහෝවිට උත්තරය විදිහට ලැබෙන්නේ 2020. කොරෝනා වසංගතය පෙර කිසිම ව්‍යසනයකටත් වඩා එහා ගිහින් මානව වර්ගයාට අභියෝග එල්ල කළා. මේ කොහොම වුණත් කොයිතරම් කළු වළාකුළක වුණත් රිදී රේඛා තියෙනවා. මේ නිසා අපි හිතුවා 2020 වසරේ සිද්ධ වුණු හොඳ දේවල් කීපයක් ගැන ඔබේ අවධානය යොමු කරන්න.

 

අභ්‍යවකාශය ජය ගැනීම වෙනුවෙන් මිනිසා තුළ පවතිනා නොසන්සිඳෙන ආශාව ජය ගැනීමේ තවත් එක් කඩඉමක් 2020 වර්ෂය තුළ සිදු වුණා. ඒ ඉලෝන් මස්ක් විසින් නිර්මාණය කරන ලද රොකට් නෞකාව (Rocket Ship) මගින් තවත් ඇමරිකානුවන් දෙදෙනෙකු අභ්‍යාවකාශගත කිරීමයි. Space X ව්‍යාපෘති අදටත් වඩා හෙට දිනයේ දී වැදගත් වනු ඇතැයි බොහෝ දෙනෙක් විශ්වාස කරනවා 

 

දෙවැනි ලෝක යුද සමයේ සේවය කළ සොල්දාදුවෙක් වූ වයස අවුරුදු එකසිය තුනක් වයසැති මේජර් ලී වූටන් කොවිඩ්  රෝගය වැළඳීමෙන් අනතුරුව ප්‍රතිකාර ලබා  සුවය ලැබීම මෙන්ම 102 හැවිරිදි ඇන්ජලීනා ෆ්‍රෙයිඩ්මානුත් එලෙසම සුවය ලැබීම මුළු ලොව පුරා කතාබහට ලක්වන මාතෘකාවක් වුණා. කොවිඩ් වලට එරෙහිව සටන් කිරීමේ හැකියාවක් ඕනෑම වයසක සිටින පුද්ගලයෙකු සතු බව ඔවුන් ඔප්පු කළා.

 

මිනිසා විසින් පරිසරයට සිදු කර ඇති හානිය පිළිබඳව නැවත සිතා බැලීමට අවස්ථාවක් කොවිඩ් ගැටළුව හරහා උදාකර දෙනු ලැබුවා. විශේෂයෙන්ම පරිසරය කෙරෙහි මිනිසා විසින් එල්ල කර ඇති තර්ජනය පිළිබඳව දෑස් පනාපිටම උදාහරණ මිනිසාට ලැබුණා. ඒ නිසා අනාගතයේදී මිනිසා පරිසරය පිළිබඳව මීටත් වඩා සංවේදීව සිතා බලනු ඇතැයි පරිසර විද්‍යාඥයන් විශ්වාසය පළ කරනවා. එසේම කාබන් විමෝචනය අඩු වීමේ ප්‍රතිඵලයක් ලෙස ඕසෝන් වියන යථාවත් වෙමින් පවතිනවා.

 

රටේ සෑම කාන්තාවකටම සනීපාරක්ෂක නිෂ්පාදන නොමිලේ ලබා දෙන ප්‍රථම රට බවට ස්කොට්ලන්තය පත්වුණා. ස්කොට්ලන්තය මගින් ඒ ලබාදුන් උදාහරණය අනාගතයේ දී බොහෝ රටවල් විසින් අනුගමනය කරනු ඇතැයි අපිට හිතන්න පුළුවන්. ලංකාවේත් මේ වන විට සිසුවියන්ට සනීපාරක්ෂක තුවා නොමිලේ ලබාදීමේ වැඩපිළිවෙළක් පිළිබඳව කතාබහට ලක්වෙමින් පවතිනවා. මෙය අතිශයින්ම සුභවාදී තත්ත්වයක් බව කිව යුතුයි.

 

Sri News Media

LEAVE A REPLY

Please enter your comment!
Please enter your name here