හිටපු ජනාධිපතිවරුන්ගේ ආරක්ෂාව වෙනුවෙන් රජය වාර්ෂිකව රුපියල් මිලියන 1100 ක මුදලක් වැය කරන බව පොලිස් මාධ්‍ය කොට්ඨාශය නිවේදනය කරන අතර ඉන් වැඩිම මුදලක් වැය කර ඇත්තේ හිටපු ජනාධිපති මහින්ද රාජපක්ෂ මහතා වෙනුවෙනි.
ඒ අනුව මේ තත්ත්වය සැලකිල්ලට ගනිමින් රාජ්‍ය වියදම් කළමනාකරණය කරගැනීමේ අරමුණින් හිටපු ජනාධිපතිවරුන්ගේ ආරක්ෂාව සම්බන්ධයෙන් යළි සමාලෝචනයක් සිදු කිරීමට රජය පියවර ගත්තේය. එම සමාලෝචනයට අනුව හිටපු ජනාධිපති මහින්ද රාජපක්ෂ මහතාගේ ආරක්ෂාව වෙනුවෙන් යොදවා සිටි පොලිස් නිළධාරීන් සංඛ්‍යාව 60 දක්වා අඩු කිරීමට රජය පියවර ගෙන ඇත. රාජපක්ෂ මහතාගේ ආරක්ෂාවට අනියුක්ත කර සිටි ආරක්ෂක නිලධාරීන් 116ක් එම සේවාවෙන් ඉවත්කර ගැනීමට රජය කටයුතු කර තිබේ.
ආරක්ෂාව සඳහා යොදවා සිටින ආරක්ෂක නිලධාරීන් 60 දෙනා සමඟ ජීප් රථ දෙකක්, යතුරු පැදි දෙකක් සහ ත්‍රීරෝද රථයක් ලබාදී තිබේ.
ආශිකා බ්‍රාහ්මණ
Sri News Media
