පසුගිය කාලය පුරා කමිටු කිහිපයක් හා ජාතික අධ්‍යාපන ආයතනය වැනි ආයතනික ව්‍යුහයන් හරහා අධ්‍යාපන ප්‍රතිසංස්කරණ සම්බන්ධයෙන් විවිධ යෝජනාවලි ඉදිරිපත්ව ඇති බවත්, අධ්‍යාපන ප්‍රතිසංස්කරණ සම්බන්ධයෙන් පසුගිය පස් වසර තුළ අනුගමනය කළ විවිධ ක්‍රියාදාමයන් සමාලෝචනය කිරීමට අධ්‍යාපන , උසස් අධ්‍යාපන හා වෘත්තීය අධ්‍යාපන අමාත්‍යාංශය තීරණය කර ඇති බවත්, එහි ලේකම් නාලක කළුවැව මහතා සඳහන් කළේය.
නමුත්, එම කිසිදු යෝජනාවලියක් ක්‍රියාත්මක තත්ත්වයට පත්වූයේ නොමැති බවද සඳහන් වේ. අදාළ යෝජනා හා ක්‍රියා පිළිවෙත් සමාලෝචනයෙන් පසු වත්මන් රජයේ ප්‍රතිපත්ති සමග ගැලපෙන පරිදි නව අධ්‍යාපන ප්‍රතිසංස්කරණ යෝජනාවලියක් කඩිනමින් හඳුන්වා දෙන බවද ලේකම්වරයා ප්‍රකාශ කළේ ය.
අධ්‍යාපන අමාත්‍යාංශය අවධාරණය කළේ , සිසුන්ට පීඩනයක් ඇති නොවන නූතන රැකියා වෙළෙඳ පොලට ගැලපෙන අධ්‍යාපන ක්‍රමයක් බිහි කිරීම වත්මන් රජයේ අරමුණ බවයි.
Sri News Media
