ශ්‍රමදානයට අහුවුණ අතර බිමටම සමතලා වුණත් භුමදානය නොවුණ බව විශ්වාස කරන බවයි ඔහු සඳහන් කළේ.
”අපිට ජනතාව පාඩමක් උගන්වල තියෙනවා. හැබැයි අපි රට අමාරුවේ වැටුන වෙලාවේ භාරගෙන යමක් කරලා පෙන්වල තියෙනවා. ඒවායේ අඩුපාඩු තියෙනවා නම් ඒවා හොයල බලලා ඒවාට අපි ඉදිරිපත් විය යුතුයි. අපිට ජනතාව පාඩමක් උගන්වල තියෙනවා. අපි දැනගන්න ඕනේ එතනින් කොහොමද නැගිටින්නේ කියල. ඒ නිසා මම කලබල වෙන්නේ නැහැ. කෙළින් ගිහින් මුහුණ දෙන්න ඕනේ. අභියෝග හමුවේ රට වැටෙනකොට අතහැරලා ගියෙත් නැහැ. මේ වගේ අභියෝග එනකොට පැනල දුවන්නෙත් නැහැ. ජන්දෙක්ට ඉදිරිපත් වුණා. බිමටම සමතලා වුණා. භූමදානය වුණේ නැහැ කියල හිතනවා නමුත් ශ්‍රමදානෙට අහුවුණා. අපි දැන් දැනගන්න ඕනේ අපේ වැරදි හදාගෙන ඉස්සරහට එන්න. මම ආණ්ඩුවට සුභ පතනවා. ආණ්ඩුව අලුත් බලාපොරොත්තුවක් දීලා තියෙනවා. අලුත් ඇමතිවරු ඇවිල්ල තියෙනවා. සුද්ධ කරලා තියෙනවා. පාර්ලිමේන්තුව ක්ලීන් කරලා තියෙනවා. මම ආඩම්බර වෙනවා එක දෙයකට. මම අවුරුදු 15ක් පාර්ලිමේන්තුවේ හිටියා. ඒකෙන් අවුරුදු 08කට වැඩිය කැබිනට් ඇමතිවරයෙක් විදිහට හිටියා. රටට අමාරු වෙච්ච වෙලාවේ යමක් කරන්න පුළුවන් වුණා. මගේ මිත්‍රයෝ තාමත් විපක්ෂයේ ඉන්නවා. හැමදාම විපක්ෂයේ ඉන්නවා වෙනුවට අඩුම ගානේ රට වැටිච්ච වෙලාවේ යමක් කරලා දීලා මේ වගේ පිගන් හෝදපු මිනිස්සුන්ගේ පිගන් කැඩුනයි කියල බැනුම් අහන්න වෙනවා. දේශපාලන වශයෙන් මම විපක්ෂයේ ඉදගෙන ඉන්නවට වඩා ඒ අවුරු දෙකහමාර තුළ සංචාරකයෝ මිලියන දෙක එන්නේ ඊයේ පෙරේදා නිසා නෙවෙයි. එදා අපි ගත්ත තීන්දු නිසා. අපි කිව්වා අවුරුදු දෙක ඉවර වෙද්දී සංචාරකයෝ මිලියන දෙකක් එනවා කියල. වැරදි තමයි හොයන්නේ හොඳ ගැන බලන්නේ නැහැ කවුරුවත්. මේවා දේශපාලන අත්දැකීම්.” යනුවෙන් හිටපු අමාත්‍යවරයා වැඩිදුරටත් පවසන ලදී.
හරීන් ප්‍රනාන්දු මහතා මෙම අදහස් දක්වා සිටියේ ප්‍රමිතියෙන් තොර ඖෂධ ගෙන්වීම සම්බන්ධයෙන් වන විමර්ශනයට ප්‍රකාශයක් ලබා දීම සඳහා අද (22) අපරාධ පරීක්ෂණ දෙපාර්තමේන්තුවට පැමිණි අවස්ථාවේදීය.
ආශිකා බ්‍රාහ්මණ
Sri News Media
