Syed Modi India International 2024 ඉන්දියාවේ පැවත්වෙන ශ්‍රී ලංකා මුදලින් කෝටි 7 ට ආසන්න ජය මුදලක් ප්‍රදානය කරන බැඩිමින්ටන් තරගාවලියේ දැවන්තයන් අතරින් එක් පියවරක් ඉදරියට තබන්නට විරේන් නෙත්තසිංහට හැකි වුණා.ඔහු මුහුණ දුන් පළමු තරගයේ දී ඉන්දියාවේ සිද්ධාර්ත ප්‍රතාප් සිං ලකුණු 21-14 ක් සහ 21-18 ක් ලෙස පරාජය කරන්නට සමත් වුණා.
විනාඩි 39 ක් පුරා පැවති තරගයේ දි කලකට පසුව පිටියට පිවිසි විරේන් හොඳ විශ්වාසයකින් තරග වැදුණු අතර දෙවන වටයේ මැද දි යම් කිසි ආකාරයකින් සිද්ධාර්ත් ඉදිරියෙන් සිටින්නට සමත් වුව ද,තරග වටය නිමා වෙද්දී විරේන් ජයග්‍රහණය සහතික කර ගැනීමට සමත් වුණා.එම ජයග්‍රහණයත් සමඟ විරෙන්ට අවසාන 16 දෙනා අතරට පිවිසෙන්නට අවස්ථාව හිමි වුණා.
මෙම තරගාවලියේ සුදුසුකම් ලැබීමේ වටයට සහභාගි වූ රසිඳු හෙන්දහේවාට තරග දෙකක් ජයගෙන ප්‍රධාන තරග කාල සටහනට ඇතුළත් වීමේ හැකියාව තිබුණත්,ඔහු පළමු තරගය ජයගෙන දෙවන තරගයේදී ඉන්දියාවේ සනීත් දයානන්ද් අතින් පරාජයට පත් විය.එහිදී ලකුණු තත්ත්වය වාර්තා වුණේ ලකුණු 21-14,21-6 ක් ලෙසය.
විරෙන් අවසාන 16 දෙනාගේ වටයේ දී වියට්නාමයේ න්ගුයෙන් හායි ඩෑන්ග් සමඟ අද දිනයේ දී තරග වඳින්නට නියමිතව තිබෙනවා.
http://www.sportwaynews.com
Sri News Media
