රක්ෂිත බන්ධනාගාරගත කර සිටි හිටපු රාජ්‍ය අමාත්‍ය ලොහාන් රත්වත්තේ ඇප මත මුදාහැරීමට කොටුව මහේස්ත්‍රාත් අධිකරණය අද (දෙසැම්බර් 09) නියම කර තිබේ.
බීමතින් රිය අනතුරක් සිදුකර අගතියට පත් පාර්ශ්වයට තර්ජනය කිරීම සම්බන්ධයෙන් ඔහුව පසුගිය 06 වනදා කොල්ලුපිටිය පොලීසිය විසින් අත් අඩංගුවට ගෙන තිබුණු අතර පසුදින අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කර තිබිණි.
අද දිනයේ කොටුව මහේස්ත්‍රාත් අධිකරණයේදී නඩුව කැඳවූ අවස්ථාවේදී ලොහාන් රත්වත්තේ අගතියට පත් පාර්ශ්වයෙන් ප්‍රසිද්ධියේ සමාව ඉල්ලා සිටි අතර රුපියල් ලක්ෂ 10ක මුදල් ගෙවීමට එකඟ බවත් සඳහන් කර ඇත.
ඒ අනුව ඔහුව රුපියල් ලක්ෂ 10 බැගින් වූ ශරීර ඇප දෙකක් මත මුදාහැරීමටයි මහේස්ත්‍රාත්වරිය නියෝග කර ඇත්තේ.
Sri News Media
