ඒ අනුව දැනට අනවසර වීදි වෙළඳාමේ නිරතවන පිරිස් ගණනය කිරීමක් සිදුකරන ලෙස එම සම්බන්ධීකරණ කමිටුවේ සභාපති අමාත්‍ය කේ.ඩී.ලාල්කාන්ත මහතා පළාත් පාලන කොමසාරිස්වරියට එහිදී උපදෙස් දුන්නේය.
දැනට වීදි වෙළඳාමේ නිරතවන පුද්ගලයන්ගේ රැකියා අහිමි නොවන ලෙසත් මහජනයාට ආරක්ෂාකාරීව බාධාවකින් තොරව ගමන් කිරීමට හැකි නගරයක් බවට මහනුවර පත් කළ යුතු බවට එහිදී සාකච්ඡා කෙරිණි.
ඒ අනුව මහනුවර නගරයේ දැනට වීදි වෙළදාමේ නිරතවන පිරිස් සම්බන්ධ ලේඛණයක් සකස් කිරිමටත් මහනුවර බහුවිධි මාදිලි ප්‍රවාහන පර්යන්තය ඉදිකිරීමෙන් පසු ඔවුන්ට ස්ථිර ව්‍යාපාරික ස්ථාන ලබාදිමටත් එහිදී සාකච්ඡා විය.
ඉන් පසු මහනුවර නගරයේ කිසිදු අනවසර වෙළදාමක් සිදු නොවිය යුතු බවත් ව්‍යාපාරික ස්ථාන හිමි පුද්ගලයන් සිය ව්‍යාපාරික ආයතන කුළියට ලබාදී යළී යළිත් වීදි වෙළදාමට නිරතවීම අධීක්ෂණය කරන ලෙස ද අමාත්‍යවරයා මහනුවර මහ නගර සභාව ඇතුලු මහනුවර දිස්ත්‍රික්කයේ පළාත් පාලන ආයතන ප්‍රධානීන්ට එහිදී උපදෙස් දුන්නේය.
නදීක දයා බණ්ඩාර – මහනුවර
Sri News Media
