පසුගිය ආණ්ඩු සමයේ පැවති තත්වයට වඩා විශාල වශයෙන් බඩු මිල ඉහළ යාමක් සිදුව නොමැති බව ජාතික ජන බලවේගයේ ජාතික විධායක සභික කේ. ඩී. ලාල්කාන්ත මහතා පවසයි.
“මෙහෙමයි, බඩු මිල සාමාන්‍යයෙන් ඉහළ පහළ යනවා. ඒක සාමාන්‍ය දෙයක්. සමහර දෙයක් ඉහළ යනකොට සමහර දෙයක් සමහර වෙලාවට පහළට යනවා. ඒකෙ මිල එහාට මෙහාට වෙන එකක් තියෙනවා. නමුත් තිබුණු තත්වයට වඩා ලොකූවට දරාගන්න බැරි තරමට භාණ්ඩ හා සේවා මිල ඉහළ ගිහිල්ලා කියලා තත්වයක් නෑ. නමුත් හිටපු ගමන් බිත්තරේ අඩුවෙනවා, බිත්තරේ වැඩිවෙනවා. අඩු වුණාම කට්ටියට සතුටුයි, නමුත් සුළු හා මධ්‍ය පරිමාණ නිෂ්පාදකයින්ට අවාසියක් වෙනවා. ඒක බැලන්ස් කරකර ගෙනියන්න වෙනවා”
කේ. ඩී. ලාල්කාන්ත මහතා මේ බව පැවසුවේ ඊයේ (18) මහනුවර මධ්‍යම වෙළඳ සංකීර්ණයේ සංචාරයක නිරත වීමෙන් අනතුරුව මාධ්‍ය වෙත අදහස් දක්වමිනි.
Sri News Media
