පාස්කු ඉරුදින ත්‍රස්ත ප්‍රහාරය පිළිබඳ බ්‍රිතාන්‍යයේ චැනල් 4 නාලිකාව විකාශය කළ ආන්දෝලනාත්මක වැඩසටහනේ සඳහන් වූ කරුණු සම්බන්ධයෙන් සිදුකෙරෙන විමර්ශනවලට අදාළව ප්‍රකාශයක් ලබාදීම සඳහායි ඔහු එලෙස පැමිණ ඇත්තේ.
පසුගිය (20) දිනයේත් ඔහු අපරාධ පරීක්ෂණ දෙපාර්තමේන්තුව හමුවේ පෙනීසිටි අතර ඔහු එහිදී ඉල්ලා තිබුණේ දෙමළ භාෂාවෙත් සිය ප්‍රකාශය ලබාදීමට අවශ්‍ය බවයි.
ඒ අනුව ඊට අදාළ භාෂා පරිවර්තන කටයුතු සූදානම් කිරීමෙන් පසු අද දිනයේදී ඔහු අපරාධ පරීක්ෂණ දෙපාර්තමේන්තුවට යළි කැඳවා තිබේ.
පාස්කු ඉරු දින ත්‍රස්ත ප්‍රහාරය ගැන චැනල් 4 නාලිකාවේ විකාශය වූ වාර්තා වැඩසටහන ගැන මහජන ආරක්ෂක ආමාත්‍යාංශය වෙත ලැබී තිබුණු පැමිණිල්ලක් මත අපරාධ පරීක්ෂණ දෙපාර්තමේන්තුව එම විමර්ශනය අරඹා ඇත.
ආශිකා බ්‍රාහ්මණ
Sri News Media
