පසුගිය ආණ්ඩුව විසින් ත්‍රිවිධ හමුදා සාමාජිකයන්ගේ ආහාර සලාක මුදල ලබන ජනවාරියේ සිට ත්‍රිවිධ හමුදා සාමාජිකයන්ගේ මාසික වේතනයට එක්කිරීමට තීරණය කර තිබුණු බවයි තෙන්නකෝන් මහතා සඳහන් කරන්නේ.
ආහාර සලාක මුදල ඔවුන්ගේ වැටුපට එක්කිරීම සම්බන්ධයෙන් ත්‍රිවිධ හමුදා සාමාජිකයන්ගෙන් නිරන්තර ඉල්ලීම් පැවති අතර ඒ අනුව ඔවුන්ගේ ඉල්ලීම ඉටුකිරීමට පසුගිය ආණ්ඩුව කටයුතු කර තිබෙන හෙයින් වත්මන් ආණ්ඩුව ත්‍රිවිධ හමුදා සාමාජිකයන්ට හා සිවිල් ආරක්ෂක බලකායට ඔවුන්ගේ ඉල්ලීම් ලබා දෙන ලෙස හිටපු රාජ්‍ය අමාත්‍යවරයා ඉල්ලා සිටියි.
තවද ත්‍රිවිධ හමුදා සාමජිකයන්ට සහ සිවිල් ආරක්ෂක බලාකායේ සාමජිකයන්ට වත්මන් වැටුප් ක්‍රමය සංශෝධනය කරමින් ඔවුන්ගේ වැටුප ජීවනාලිය ශක්තිමත් කර ගැනීමට හැකි අයුරින් වත්මන් ආර්ථිකය අනුව වැඩි කිරීමටද කටයුතු කළ බවත් ඒ අනුව යමින් වත්මන් රජයද, ජාතියට මහඟු සේවයක් ඉටුකළ ත්‍රිවිධ හමුදා සාමාජිකයන්ගේ වැටුප ඔවුන්ට ජීවත්වීමට සරිලන ලෙස වැඩිකර දෙන ලෙසද තෙන්නකෝන් මහතා තවදුරටත් ඉල්ලා සිටියි.
Sri News Media
