ජනාධිපති අනුර කුමාර දිසානායක මහතා චීනයේ නිල සංචාරයක් සඳහා ඊයේ (13) රාත්‍රියේ දිවයිනෙන් පිටව ගොස් තිබේ.
චීන ජනාධිපති ෂී ජින්පින් මහතාගේ ආරාධනයක් අනුව ජනාධිපති අනුර කුමාර දිසානායක මහතා ජනවාරි 14 සිට 17 දක්වා එරට සංචාරයක නිරත වන අතර එහිදී චීන ජනාධිපතිවරයා, අගමැතිවරයා ඇතුළු බලධාරීන් හමුවී ද්විපාර්ශ්වික සාකච්ඡා පැවැත්වීමටත් අවබෝධතා ගිවිසුම් කිහිපයක් අත්සන් තැබීමටත් නියමිතව ඇත.
විදේශ කටයුතු, විදේශ රැකියා හා සංචාරක අමාත්‍ය විජිත හේරත්, ප්‍රවාහන හා මහාමාර්ග සහ වරාය හා සිවිල් ගුවන්සේවා අමාත්‍ය බිමල් රත්නායක, රජයේ ප්‍රවෘත්ති අධ්‍යක්ෂ ජනරාල් එච්. එස්. කේ. ජේ බණ්ඩාර යන මහත්වරුන් ද ජනාධිපතිවරයා සමග මෙම සංචාරයට එක්ව සිටිති.
Sri News Media
