මෙරට සිට ඊශ්‍රායලයේ රැකියා සඳහා ගිය ලාංකිකයින් 17 දෙනෙකු පිටුවහල් කිරීමට ඊශ්‍රායල් රජය තීරණය කර ඇති බව වාර්තා වේ. ඒ, කෘෂිකර්ම වීසා මත පැමිණි ඔවුන් සේවා ස්ථානවලින් පළා ගොස් බේකරිවල සේවයේ යෙදී ඇති බව, ඊශ්‍රායලයේ ශ්‍රී ලංකා තානාපති නිමල් බණ්ඩාර මහතා සඳහන් කළේය.
එහිදී අත්අඩංගුවට පත්ව ඇති ඔවුන්, එරට ආරක්ෂක අංශ භාරයේ රඳවා ගෙන ඇතැයි නිමල් බණ්ඩාර මහතා සඳහන් කළ අතර, ඊශ්‍රායලය, සිය රටට පැමිණෙන විදේශකයින් පිළිබඳ නිරන්තර අවධානයෙන් පසුවන රටකි. ඒ අනුව සේවා කොන්දේසි කඩ කළ තවත් ලාංකික සාත්තු සේවිකාවක් හා පුද්ගලයෙකු පසුගිය දා යළි මෙරටට එවා තිබුණේ ඔවුන්ව, අසාදු ලේඛනගත කරමින් බව වාර්තා වේ.
Sri News Media
