රටේ ආර්ථිකය නඟා සිටුවීමට ජාතික ජන බලවේගයට හැකි යැයි තමන් සිතන බවත් ඊට උදව් කිරීම මිස කකුලෙන් ඇදීම යුක්ති සහගත නොවන බවත් හිටපු පාර්ලිමේන්තු මන්ත්‍රී එස්. බී. දිසානායක මහතා පවසයි.
“ජනතා විමුක්ති පෙරමුණ ජාතික ජන බලවේගය ලෙස බලයට පත්වුණු මේ වෙලාවේ රටේ ආර්ථිකය නැගිට්ටවන්න පුළුවන් කියලා තමයි මම කල්පනා කරන්නෙ. වියට්නාමය, චීනය වගේ රටවල් ඉතා සාර්ථක විදියට සැලසුම් සහගත ලෙස විවෘත ලිබරල් ආර්ථිකයකින් ඉස්සරහට යන බව පෙනෙන නිසා මේ මාවත හරහා ඔවුන්ට දිග ගමනක් යන්න පුළුවන් වෙයි කියලා මම හිතනවා. යන්න ගමනක් තියෙනවා. ඉතින් ඒකට උදව් කරනවා මිස කකුලෙන් අදින එක එතරම් යුක්ති සහගත නෑ කියලායි මම හිතන්නෙ. ජනාධිපති අනුර කුමාර දිසානායක ඇතුළු මේ පිරිසට ඉතාම හොඳ බුද්ධිමත් අය සම්බන්ධ කරගන්න පුළුවන්. සම්බන්ධ කරගෙන, රටේ ආදායම වැඩි කරගෙන, රට ඉක්මනින් අපනයන ආර්ථිකයකට අරගෙන ගිහිල්ලා රටට ඉක්මනින්ම විදේශ ආයෝජකයින් ගෙන්වාගෙන, දේශීය ආයෝජකයින් ශක්තිමත් කරලා ඔවුන්ගේ බය සැක අයින් කරලා දාලා රට ඉස්සරහට ගෙනියන්න ඔවුන් සැලකිලිමත් වෙන්න ඕනෙ”
එස්. බී. දිසානායක මහතා මේ බව පැවසුවේ ඊයේ (30) පැවති මාධ්‍ය හමුවක් අමතමිනි.
Sri News Media
