මෙම ජන්ද ප්‍රතිඵලය තුළ කළුතර දිස්ත්‍රික්කයේ සුවිශේෂී ජන්ද ප්‍රතුඵලයක් වාර්තා වූ අතර සමස්ත ප්‍රතිඵලයට අනුව ආසන 11න් 08ක්ම දිනාගැනීමට ජාතික ජන බලවේගය සමත් විය.
එම ප්‍රතිඵලයට අනුව සමඟි ජන බලවේගයත් ආසන 2ක් දිනාගත් අතර නව ප්‍රජාතන්ත්‍රවැදී පෙරමුණ හෙවත් සිලින්ඩරයට එක් මන්ත්‍රී ආසනයක් හිමිවූ අතර මනාප ප්‍රමාණය අනුව මනාප 10,204ක් ලබා ගත් රෝහිත අබේගුණවර්ධන සිය මන්ත්‍රී ධූරය බේරා ගෙන තිබුණි.
ජාතික ජන බලවේගයට වැටී තිබුණු ජන්ද 14ක් අවලංගු වීම තුළ රෝහිත අබේගුණවර්ධන හිටපු මන්ත්‍රීවරයාගේ අසුන බේරී තිබුණ අතර එය ඔහු කෙස් ගහෙන් ගොඩයාමකි.
රෝහිත අබේගුනවර්ධනලාගේ තලයේ සාතිශය බහුතරයක් මෙවර පාර්ලිමේන්තුවෙන් එළියට විසි වී තිබෙන හෙයින් ඔහු සිය පත්වීම උත්කර්ෂයට නංවමින් පසුවෙයි.
ඊයේ (18) දිනයට දී තිබුණු හිටපු ජනාධිපති මහින්ද රාජපක්ෂ ගේ උපන්දිනයට සුභ පැතුම් එක්කිරීමට කොළඹ විජේරාමේ පිහිටි නිවසට පැමිණි අවස්ථාවේදී ද රෝහිත අබේගුණවර්ධන සිය මන්ත්‍රී ධූරය සම්බන්ධයෙන් මාධ්‍ය වෙතද අදහස් දක්වා තිබුණි.
”මහ ගස් කඩාගෙන වැටෙනකොට, සුළි කුණාටු එනකොට, සුනාමි එනකොට මිනිස්සුත් එක්ක හිටපු රෝහිත අබේගුණවර්ධනව දිස්ත්‍රික්කයේ ජනතාව අමතක කරලා නැහැ. මහින්ද මහත්තයත් කිව්වා ඔයා දක්ෂයෙක් කියල. රෝහිත අවුරුදු 27ම පැරදිලා නැහැ. රෝහිතව පරද්දන්නත් බැහැ කියල.”
Sri News Media
