සෝෂල් වෙනකොට කථා නොකළ යුතු දේවල් මේවා තමයි – Sri News

0
4

ගොඩක් මිනිස්සුන්ට සමාජය ඇතුළේ අත්විඳින්න සිද්ධ වෙන ලොකු ප්‍රශ්නයක් තමයි කතා කරන්න ගියහම චාටර් වෙන එක. විශේෂයෙන්ම කතා කරන්න ඕනෑ දේ සහ එපා දේ පටලවා ගැනීම නිසා තමයි ඉතින් මේ ප්‍රශ්නේ සිද්ධ වෙන්නේ. ඇත්තටම කොයි තරම් හොඳට ඇඳලා පැළඳලා සුපිරි ලෙවල් එකෙන් හිටියත් වැඩක් නෑ කට පාලනයක් නැත්තං. ඒකෙන් ගොඩක් වෙලාවට වෙන්නේ තමන්ගේ තත්වේ පහත වැටෙන එක විතරක් නෙවෙයි. තව කෙනෙක්ගේ හිත් රිදෙන එකත් සිද්ධ වෙනවා.

ආන්න ඒ නිසා, පොදු සමාජේ පොඩ්ඩක් සෝෂල් වෙනකොට, ඒ කියන්නේ ඔය යාලු මිත්‍ර සෙට් වීමකදී, ප්‍රිය සම්භාෂණයකදී, ආතල් පාටියකදී, නෑදෑ හමුවකදී වගේ සමාජේ හමුවෙන තැනක කථා නොකළ යුතු කාරණා, නොඇසිය යුතු කාරණා ගැන කියලා දෙන්න තමයි මේ යන්නේ.

 

එකෙන්ම පොලිටික්ස්! ඒ ගැන ෂුවර් නැතිනං මේ දවස් වල වාතාවරණේ දිහා බලන්න. සාමාන්‍යයෙන් බොක්කේ යාලුවෝ සෙට් වෙන තැනක් වුනත් හැමෝටම එකම දේශපාලන අදහස් තියෙන්නේ නෑ. ආන්න එතකොට එකෙක් ගෝටාභය තමයි ජනාධිපති වෙන්න ඕන කියනකොට අනිකා කියනවා නෑ සජිත් කියලා. තව එකෙක් අනුර කුමාර කියනකොට අනික් එකා කියනවා නෑ නාමල් කුමාර කියලා. බොරු වලිනේ මචං. ආන්න ඒ නිසා දේශපාලනය ගැන සෝෂල් වෙන තැන්වල කතා නොකරන එක හොඳයි. හැබැයි ඉතින් ඔය ගැඹුරු දේශපාලන දර්ශන වගේ එව්වා කතා කළාට නං එහෙම වලි යයි, හිත් රිදෙයි කියලා අපි කියන්නෙ නෑ. ඒ නිසා මැකියාවෙල්ලි දේශපාලන දර්ශනය, භූ දේශපාලන ප්‍රවණතා, චීනයේ සහ බලුකිස්ථානයේ රාජ්‍ය තාන්ත්‍රික සබඳතා වගේ දේවල් කතා කළාට අපි මොකුත් කියන්නෙ නෑ!

 

මෙන්න මේකත් පොලිටික්ස් තරං අවුලක් නැතත් සෝෂල් වෙනකොට කතාබහට අප්සෙට් යන මාතෘකාවක්. මොකද සමාජේ ඉන්නේ එක ආගමක අය නෙවෙයි. ආන්නෙ එතකොට ඔය එක එක ආගම් වල එවුන් ගහගන්න පටන් අරගෙන තමයි වැඩේ කෙළවර වෙන්නේ. අනික ආගම කියන්නේ සෝෂල් වෙන්න නැගලා යන මාතෘකාවකුත් නෙවෙයි. ඔක්කොටම වඩා රහමෙර වීදුරුවක් අතේ තියාගෙන පන්සිල් රැකීමෙන් ඇතිවන සමාජ ප්‍රගමනය වගේ මාතෘකාවක් සාකච්ඡාවට ගන්න එකත් අප්සෙට් නේ. ආන්න ඒ නිසා හොඳම දේ තමයි සෝෂල් එකතුවකදී ආගම අත ඇරල වෙන ආතල් මාතෘකාවක් සාකච්ඡාවට ගන්න එක.

 

සාමාන්‍යයෙන් කොල්ලෝ කොල්ලෝ හරි කෙල්ලෝ කෙල්ලෝ හරි එකතුවෙන තැනක සෙක්ස් වගේ දෙයක් කතා නොකෙරෙනවා නං ඒක ලෝක පුදුමයක්. ඒකේ කිසි අවුලකුත් නෑ. හැබැයි සෙක්ස් ගැන සෝෂල් හමුවක කතාකරනකොට තමන්ගේ පුද්ගලික සෙක්ස් ජීවිතේ ගැන කතාකරන එක අප්සට්. ඒක ටූ මච් ඉන්ෆොමේෂන්. ඒ වගේම ඔය කොල්ලෝ ගොඩක් වෙලාවට තමන්ගේ සෙක්ස් ජීවිතේ ගැන පම්පෝරි ගහනවනේ. සෝෂල් හමුවකදී එහෙම කරන එක හරිම අප්සට්. විශේෂයෙන්ම වෙනත් අය ගැන කියන “මම අරකිවත් ඇද්දා, මේකිටත් ගැහුවා” වගේ කතන්දර නම් අතිශයින්ම පිළිකුල් කියන එක මතක තියාගන්න. මෙහෙම තමන්ගේ පුද්ගලික ලිංගික ජීවිතේ ගැන කියන එකෙන් තමන්ගේ තත්වය හිතන්න බැරි විදියට පහළට වැටෙනවා කියන එකත් මතක තියාගන්න.

 

සාමාන්‍යයෙන් මිනිස්සු ආසයිනේ පම්පෝරි ගහන්න. ඉතින් ඔය සමාජ හමුවකදී එහෙමත් ඒ විදියේ මිනිස්සු ලොකු එකෙන් පම්පෝරි ගහන්න පෙළඹෙනවා සමහර වෙලාවට. තමන්ගේ ජොබ් එකේ ලොකුව, තමන් යටතේ ඉන්න මිනිස්සු ප්‍රමාණය, තමන් ගිහින් තියෙන රටවල් ගාණ වගේ දේවල් වගේම තමන් හම්බුකරන ගණන් වගේ දේවල් ගැන මිනිස්සු පම්පෝරි ගහනවා. හරි. අපිට පම්පෝරි නවත්තන්න අවශ්‍ය කමක් නෑ. හැබැයි ඉතින් ඒ පම්පෝරියේ දිගුවක් විදියට අනික් අය හම්බු කරන ගණන් ගැන, පඩිය කීයද කියන එක ගැන අහන එක හරිම කැතයි. ශිෂ්ට සමාජය ඇතුළේ ඒ වගේ දේවල් කතා නොකළ යුතුයි කියලා තමයි සැලකෙන්නේ. ඒ වගේම තමයි “ඔයාට ක්‍රෙඩිට් කාඩ් එහෙම තියෙනවද, ඒකේ ලිමිට් එක කීයද” වගේ ප්‍රශ්න වුනත් මේ කතා නොකළ යුතු කැටගරියටම තමයි වැටෙන්නේ!

 

Sri News Media

LEAVE A REPLY

Please enter your comment!
Please enter your name here