සුන්දර සමක් ලබාගැනීමට භාවිතා කළ යුතු බියුටි ප්‍රඩක්ට්ස් මොනවාද? – Sri News

0
3

අපේ ගෑණු ළමයිනුයි කාන්තාවොයි හිතන් ඉන්නෙ සුදු වෙන එක තමා ලස්සනම කියල. ඔය සුදු වෙන්න ගාන බ්ලීචින් ක්‍රීම් වල තියෙන රසායන වලින් හමට වෙන්නෙ සුළුපටු හානියක් නෙවෙයි. ලස්සන කියන්නෙ හමේ පැහැපත්කම, පිරිසිදුකම සහ නිරෝගී බව. ඉස්සර කාලෙ උදවිය ක්‍රීම් ජාති නොගෑවට ගලේ උරච්චි කරපු සුදුහඳුන්, මීරි කිරි, කහ, කොකුම් පොතු, කොහොඹ වගේ ස්වභාවික සත්කාර වලින් තමන්ගෙ සම රැකගත්ත. ඊට අමතරව ආහාරයට එකතු කරගත්තෙ වස විස නැති එළවළු, පලා කොළ, පළතුරු. දැන් අපේ තියෙන කාර්යබහුලකමත් එක්ක කහ, සුදු හඳුන් උරච්චි කරන්නයි කොහොඹ ගලේ අඹරන්නයි වෙලාවක් නෑ. කන්න බොන්නත් වසවිසෙන් තොර ජාති නෑ. ඒ නිසා සමේ නිරෝගීකම රැකගන්න කෘත්‍රිම ආලේපන පාවිච්චි කරන්න වෙනව.

හැබැයි එහෙමයි කියල අතට අහුවෙන ඕන ක්‍රීම් එකක් මූණෙ අතුල්ලන්න හුරු වෙන්න එපා. අනික සම කියන්නෙ මුහුණේ සම විතරක් නෙවෙයි, මුළු ශරීරයේම සමේ නිරෝගීකම ගැන හිතන්න ඕන. අද අපි මේ කියන්න හදන්නෙ ඔයාලා සල්ලි වියදම් කරල ගෙනාවට හරි විදියට පාවිච්චි කරන්න නොදන්න බියුටි ප්‍රඩක්ට්ස් හරි පිළිවෙලට කොහොමද පාවිච්චි කරන්නෙ කියන එක ගැනයි.

 

ඔබට තියෙන්නෙ කලින් බ්ලීචින් ක්‍රීම් ගාල හානි වුන සමක් නම් නැවත කිසිම රූපලාවන්‍ය නිෂ්පාදනයක් ආලේප කරන්නට පෙර වෛද්‍ය උපදෙස් ලබාගන්න. හානි උන සමක් යථා තත්ත්වයට ඇවිත් මාස තුනක්වත් ගත වෙනකම් සමට විවේකයක් දිය යුතුයි.

 

සමේ ස්වභාවය, ඒ කියන්නෙ තෙල් සහිත සමක්ද, සාමාන්‍ය සමක්ද නැත්නම් වියලි සමක්ද කියල මුලින්ම දැනගෙන ඉන්න. මූණෙ ගාන්න ක්‍රීම් ජාති ගන්න කලින් සම හඳුනාගෙන ඉන්න මෙන්න මේ ලින්ක් එකේ විදියට.

අනිත් කාරණය තමයි ඔයාගෙ සම මොන වගේද කියන එක දැනගත්තට පස්සෙ ඔයා ගන්න ස්කින් ප්‍රඩක්ට්ස් එකම වර්ගයකින් අරගන්න එක. එක එක වර්ග වලින් පාවිච්චි කරනවට වඩා එකම වර්ගයක නිෂ්පාදන ලබාගන්න. ආසියාතික අපේ හමට යුරෝපා හෝ බටහිර රටවල නිෂ්පාදන ඒ තරම් හොඳින් ගැලපෙන්නෙ නෑ. ඒ නිසා දේශීය හෝ ඉන්දීය නිෂ්පාදන ගැන වැඩි අවධානයක් යොමු කරන්න.

 

ක්ලෙන්සර් එකකින් සම පිරිසිදු කරනව. සම ඇතුළට කාවැදුණු කුණු දූවිලි පවා ක්ලෙන්සර් එකකින් ඉවත් කෙරෙනව. රාත්‍රියට නින්දට පෙර සම පිරිසිදු කරන්න ක්ලෙන්සර් එකක් පාවිච්චි කරන්න. රැකියාවට යන යුවතියක් නම් ඔයා පාවිච්චි කරන මේකප් වගේම සමේ තැන්පත් වෙන දුම්, දූවිලි සහ කුණු ආදිය ඉවත් කර ගැනීමට ක්ලෙන්සර් එකක් භාවිතා කළ යුතුමයි. දවසම ගෙදර රැඳෙන ගෘහණියක් උනත් කුස්සියේ උයන පිහින වැඩ වලදි තෙල් සහිත දුමට සම නිරාවරණය වෙන නිසා ක්ලෙන්සර් එකක් රාත්‍රියේදි සම පිරිසුදු කරගන්න අනිවාර්යෙන් පාවිච්චි කරන්න. ඒකෙන් සමේ කුරුළෑ ඇති වීම වැළැක්වෙනව.

 

ක්ලෙන්සර් එකකින් සමේ සිදුරු විවර කරල සම තුළට කාවැදුණු කුණු දූවිලි ඉවත් කළාට ස්වභාවයෙන් සමේ රැඳෙන තෙල් සහ කුණු ඉවත් කරන්න ෆේස් වොශ් එකක් පාවිච්චි කරන්න ඕන. ෆේස් වොශ් එකේ පෙන නැගෙන සබන් ගතිය අඩංගු නිසා සමේ සිදුරු තුළ ඇති තෙල් ගතියෙන් යුතු කුණු දූවිලි ඉවත් කරල සම තවත් පිරිසිදු කරනව.

 

එච්චර වැදගත්කමක් නොදෙන නමුත් ඔයාලගෙ සමේ පැවැත්මට වැදගත්ම නිෂ්පාදනයක් තමා ටෝනර්. ක්ලෙන්සර් සහ ෆේස් වොශ් වලින් පිරිසිදු කිරීමට ඇරුණු සමේ සිදුරු වසා, සමේ තෙතමනය රැකගෙන, සමට පෝෂණයක් ලබාදෙන ටෝනර් එක සමට අවශ්‍යම නිෂ්පාදනයක්.

 

ඇන්ටි ඇක්නේ නිෂ්පාදන, එහෙමත් නැත්නම් කුරුළෑ මර්දන නිෂ්පාදන. ඔබ කුරුළෑ සඳහා පාවිච්චි කරන ආලේපන තියෙනවා නම් ටෝනර් එකෙන් පසුව ඒවා ආලේප කිරීමෙන් වඩා හොඳ ප්‍රතිඵල ලබාගන්න පුළුවන්.

Sri News Media

LEAVE A REPLY

Please enter your comment!
Please enter your name here