සාමාන්‍ය වැසියන් විශාල පිරිසක් රෆා අතහැර යයි – Sri News ජාත්‍යන්තර පුවත්

0
5

පසුගිය සතිය තුළදී පමණක් ගාසා තීරයේ රෆා ප්‍රදේශයෙන් සාමාන්‍ය වැසියන් හාරලක්ෂ පනස් දහසක් පමණ පලාගොස් ඇති බව ජගත් සංවිධානය නිවේදනය කරනවා.

රෆා ප්‍රදේශය ඉලක්ක කරගනිමින් ගොඩ බිමින් යුද මෙහෙයුම් ආරම්භ කිරීමට සූදානම් බැවින් එම ප්‍රදේශයෙන් ඉවත්ව යන ලෙස ඊශ්‍රායලය සාමාන්‍ය ජනතාවට දැනුම් දුන්නා.

ඊට ප්‍රතිචාරයක් ලෙසයි මෙම පිරිස ප්‍රදේශයෙන් පලාගොස් ඇත්තේ.

ඊශ්‍රායල යුද ටැංකි රෆා ප්‍රදේශයේ සීමාවන් අසලටම මේ වන විට පැමිණ සිටින අතර ඕනෑම මොහොතක එම ප්‍රදේශය ආක්‍රමණය කිරීමේ හැකියාව පවතිනවා.

මේ අතර උතුරු ගාසා ප්‍රදේශයේ ලක්ෂයක පමණ පිරිසක් අවතැන්ව සිටින බවයි ජගත් සංවිධානය සඳහන් කරන්නේ.

ගාසා තීරයේ සමස්ථ ජනගහනය මිලියන 2.3 ක් පමණ වන අතර ඉන් හතරෙන් එකක පමණ පිරිසක් ඊශ්‍රායල ප්‍රහාර හේතුවෙන් අවතැන් භාවයට පත්ව සිටිනවා.

Sri News Media

LEAVE A REPLY

Please enter your comment!
Please enter your name here