සමාජ මාධ්‍ය කළඹා අමතකව ගිය සිදුවීම් – Sri News

0
3

කාලෙන් කාලෙට සමාජ මාධ්‍ය වල එක එක මාතෘකා මතු වෙනවා. ඉතින් ෆේස්බුක් ඇතුළු සමාජ මාධ්‍ය ජාලාවල ඉන්න පිරිස් එම මාතෘකා සම්බන්ධයෙන් උදේ ඉඳන් රෑ වෙනකල් එක එක අදහස් පළ කරනවා. ඊට පස්සේ ටික දවසකින් තවත් මාතෘකාවක් කරළියට එනවා. අන්තිමට කලින් මාතෘකාව ගැන වගේ වගක් නැතුව අනිත් මාතෘකාවට අපේ අය මාරු වෙනවා. අපි අද කතා කරන්න හිතුවේ මේ විදිහට සමාජ මාධ්‍ය ජාලාවල දැඩිව කතා බහට ලක්වෙලා, අන්තිමට හැමෝටම අමතක වෙලා ගිය සිදුවීම් කීපයක් පිළිබඳව.

 

 

ඔබට මතක ඇති මීට වසර කීපයකට පෙර සිංහල අලුත් අවුරුදු සමයේ මීතොටමුල්ල ප්‍රදේශය එකම මළගෙයක් බවට පත්වුණා. ඇත්ත වශයෙන්ම රටක් විදිහට අපි ලැජ්ජ වෙන්න ඕන කාරණයක් ඒක. කුණු කන්දක් නාය ගිහිල්ලා අහිංසක ජීවිත ගණනාවක් විනාශයට පත් වුණා. අද වෙද්දි මීතොටමුල්ල කුණු කන්ද නෑ. ඒ වගේම ඒ පිළිබඳව කතා කරපු කෙනෙක්වත් හොයාගන්න නැහැ. ඒත් ඒ මිනිසුන්ට සාධාරණයක් ඉෂ්ඨ වුණාද කියන එක සමාජයක් විදිහට අපි අපෙන්ම අහන්න ඕන.

 

 

මේ වසර තුළදී අපේ පමණක් නොව සමස්ත ඉන්දීය සාගර කලාපයටම සිදුවූ විශාලතම විනාශය මෙයයි. ඇතැම් මාධ්‍ය දිනපතා මේ නෞකා අනතුරෙන් පස්සේ මුහුදට ගොඩගහපු මුහුදු ජීවීන් පිළිබඳව වාර්තා ගෙන ආවා. ඒ වගේම රටේම මාළු අලෙවිය වාර්තාගත ලෙස පහළටම ගියා. නමුත් අද වෙද්දී අපේ මිනිස්සු මාළු සාමාන්‍ය පරිදි පරිභෝජනය කරනවා. ඒත් රටේ සාගරයට වෙච්ච හානිය ගැන පසු විපරමක් කරන්න කවුරුහරි ඉන්නවද කියන එක ගැන කවුරුවත් දන්නෙ නෑ.

 

 

පිළිකාකාරක පොල්තෙල් තොගයක් ලංකාවට ආනයනය කිරීම පිළිබඳව විශාල ආන්දෝලනයක් ලංකාව තුළ මීට මාස කීපයකට පෙර ඇති වූ බව ඔබට මේ වන විට මතකද දන්නෙ නැහැ. අවසානයේදී ප්‍රමිති ආයතනයේ නිලධාරිනියක් පමණක් සමාජ මාධ්‍ය ජාලවල දැඩි ලෙස විවේචනයට ලක්වුණා. නමුත් එතනින් එහාට ඒ පොල් තෙල් තොගයට වුණේ මොකක්ද කියන එක ගැන වාර්තා නම් ඊට පස්සේ පළවුණේ නැහැ. මේ ලිපිය කියවන එක් අයෙක් හෝ ඒ පිළිබඳව දන්නවානම් කමෙන්‍ට් එකකින් ඒ ගැන අපිව දැනුවත් කරන්න කියලා අපි ඉල්ලා සිටිනවා.

 

 

Sri News Media

LEAVE A REPLY

Please enter your comment!
Please enter your name here