සහල් ආනයනය කිරීමේ පළමු පියවර වශයෙන් නාඩු සහල් මෙට්‍රික් ටොන් 70,000ක් ඉන්දියාවෙන් ගෙන්වීමට ක්‍රියාකරන බවත් ඒ සඳහා කෘෂිකර්ම අමාත්‍යාංශය සහ වෙළඳ අමාත්‍යාංශය ඒකාබද්ධ කැබිනට් පත්‍රිකාවක් ලබන සතියේ කැබිනට් රැස්වීමට ඉදිරිපත් කරන බවත් කෘෂිකර්ම, පශූ සම්පත්, ඉඩම් හා වාරිමාර්ග අමාත්‍ය කේ. ඩී. ලාල්කාන්ත මහතා පවසයි.
ප්‍රශ්නය – නැවතත් හාල් පිටරටින් ආනයනය කිරීමට සිදුවෙලා තියෙනවා දැන් ?
“නාඩු හිඟයක් වෙළඳපොලේ තියෙනවා, මිල පිළිබඳ ප්‍රශ්නයකුත් තියෙනවා. නමුත් නිෂ්පාදනය පැත්තෙන් බැලුවාම නාඩු අවශ්‍ය ප්‍රමාණයට නිෂ්පාදනය කරලා තියෙන බව බැලුවාම සහල් තියෙන්නට ඕනෙ, නමුත් වෙළඳපොලට ඇවිල්ලා නැහැ. ඒ නිසා අපි අනිවාර්යයෙන්ම පිටරටින් හාල් ගේනවා, ඉන්දියාවෙන් ගේනවා. ඒ සම්බන්ධයෙන් අපි අමාත්‍යාංශ දෙක ඒකාබද්ධ කැබිනට් පත්‍රිකාවක් ඉදිරිපත් කරනවා ඊළඟ කැබිනට් රැස්වීමට”
ප්‍රශ්නය – අපේ දේශීය ගොවියාට ගැටලුවක් වෙන්නෙ නැද්ද මේක ?
“කාටවත් ගැටලුවක් වෙන්න අපි දෙන්නෙ නෑ. අපි ගොවියාගෙ ප්‍රශ්නෙත් විසඳනවා – ඒක අත්‍යාවශ්‍යයයි – පාරිභෝගිකයාගෙ ප්‍රශ්නෙත් විසඳනවා. අතරමැදියන්ට ගසාකන්න අපි ඉඩ තියන්නෙ නෑ”
ප්‍රශ්නය – මහාපරිමාණ මෝල් හිමියන් කීපදෙනෙක් මේක පාලනය කරනවා. ඒකට ගන්න පියවර මොකක්ද ?
Sri News Media
