ශ්‍රී ලංකාවට සුපිරි ජයක් | Sri News

0
15

සංචාරක ඇෆ්ගනිස්තාන සමග පැවති දෙවන එක්දින තරගය ජය ගන්නට ශ්‍රී ලංකා කණ්ඩායම අද (11) රාත්‍රියේ සමත් වුණා.

ඇෆ්ගනිස්තාන පරදා ශ්‍රී ලංකාව මෙම තරගය ජයගත්තේ ලකුණු 155කින්.

මෙම ජයත් සමග තරග තුනකින් සමන්විත එක්දින තරගාවලිය තවත් එක් තරගයක් ඉතිරිව තිබිය දී ශ්‍රී ලංකාව ජයගත්තා.

තරගයේ පළමුව පන්දුවට පහර දුන් ශ්‍රී ලංකාව නියමිත පන්දුවාර 50 තුළ කඩුලු හයක් දැවී ලකුණු 308ක ලකුණු පුවරුවක් නිර්මාණය කළා.

ඊට කුසල් මෙන්ඩිස්, සධීර සමරවික්‍රම සහ ජනිත් ලියනගේ අර්ධ ශතකවලින් දායක වුණා.

ශ්‍රී ලංකා ඉනිමේ නැංගුරම වූ චරිත් අසලංක නොදැවී ලකුණු 97ක් රැස් කළා.

අනතුරුව ලකුණු 309ක ඉලක්කයක් හඹායාමට පිටියට පිවිසි ඇෆ්ගනිස්තානයේ පළමු කඩුල්ල ලෙස රහමදුල්ලා ගුරුබාස් ලකුණු 08 කට දැවී ගියා.

ඔහුගේ දැවීයාමෙන් පසු ඊබ්‍රහීම් සර්දාන් සමග එක් වූ රහමත් ෂා ඇෆ්ගනිස්තානය වෙනුවෙන් දෙවන කඩුල්ලට සාර්ථක සම්බන්ධතාවක් ගොඩනැගුවා.

එහිදී ඊබ්‍රහීම් ලකුණු 54ක් සහ රහමත් ලකුණු 63ක් රැස් කළා.

ඔවුන් දෙදෙනාගේ දැවීයාමෙන් පසු ඇෆ්ගනිස්තාන ඉනිම කඩාවැටීම ආරම්භ වූ අතර, ඇෆ්ගනිස්තාන ඉනිම බිද දැමීමේ නියමුවා බවට පත් වුණේ වනිදු හසරංගයි.

පන්දු යැවීමේ දී හසරංග කඩුලු 04ක් බිද දැමූ අතර, ඩිල්ශාන් මදුසංක කඩුලු 02ක් සහ අසිත ප්‍රනාන්දු කඩුලු 02ක් දවාගත්තා.

අවසානයේ ඇෆ්ගනිස්තාන ඉනිම පන්දු වාර 33යි පන්දු 05ක් තුළ ලකුණු 153කට සීම කරන්නට ශ්‍රී ලංකා පන්දු බලඇණියට හැකියාව ලැබුණා.



Sri News

LEAVE A REPLY

Please enter your comment!
Please enter your name here