දෙසැම්බර් දෙවැනිදා සිට අට වෙනිදා දක්වා පැවත්වෙන එක්දින තරග පහකින් සමන්විත ඉන්දීය – ශ්‍රී ලංකා ශ්‍රවන සහ කථන ආබාධිත කණ්ඩායම් අතර ක්‍රිකට් තරගාවලියක් සඳහා ශ්‍රී ලංකා ශ්‍රවණ සහ කථන ආබාධිත ක්‍රිකට් කණ්ඩායම නවදිල්ලිය බලා පිටත්ව ගියා.දෙසැම්බර් පළමු වැනිදා පැවත්වෙන පුහුණු සැසියකින් පසුව දෙසැම්බර් දෙවැනිදා සිට ශ්‍රී ලංකාව පළමු තරගයට සහභාගි වීමට නියමිතව තිබෙනවා.දෙවන එක්දින තරගය පැවත්වෙන්නේ තුන්වැනි දිනයි.
දෙසැම්බර් සිව්වන දින විවේක දිනයක් ලෙස සැළකෙන අතර යළිත් පහ සහ හය යන දෙදින තුළ තෙවන සහ සිව්වන එක්දින තරග පැවත්වෙනවා.හත්වනදා තරගයක් නොපැවත්වෙන අතර අටවන දින ශ්‍රී ලංකාව සහ ඉන්දියාව අතර පස්වන එක්දින තරගය පැවත්විමට නියමිතව තිබෙනවා.
ඉකුත් විස්සයි විස්ස ලෝක කුසලාන තරගාවලියේදී කණ්ඩායම් දෙක හමු වූ අවස්ථාවේ දී තරගය සුපිරි ඕවරය දක්වා ඇදී යන්නට තරම් තරගකාරී තියුණු ස්වභාවයක් ගත් අතර එයින් ශ්‍රී ලංකාව ජයග්‍රහණය කරන්නට සමත් වුණා.
http://www.sportwaynews.com
Sri News Media
