විලෝපිකයින්ගෙන් බේරෙන්න වෙස් පෙරළගන්නා සතුන් – Sri News

0
3

ස්වභාවික වරණය ඩාවින්ගේ පරිණාමවාදයේ එන ප්‍රබල සිද්ධියකි. ඒ අනුව අවට පරිසරයට අදාළව ඉක්මනින්ම හැඩගැහුණු ජීවින් මෙලොව ඉතුරු විය. උදාහරණයක් ලෙස ගත්තොත් යම් විකෘතියකින් ඒ ඒ පරිසරයට අනුකූලව වර්ණය වෙනස් වන ලෙස හැඩගැහුනු ජීවියෙකුට සැඟවී සිටින්නට පුළුවන් විය. එසේම ආහාර ද සොයාගන්නට ලේසි විය. ඉන් පසුව ඒ හැඩගැහුණු විකෘති ජීවියාගේ බෝවීම වැඩි විය. එලෙස පරිසරයට අනුව වෙනස්කම් පාන ජීවීන් රැසකි. එයින් විශේෂ කිහිපයක් ගැන අපි සොයා බලමු.

 

 

පතා මැඩියා යනු යනු තවත් එක ගෙම්බෙක් හෝ මැඩියකු නොවේ. ඌ දර්ශනීය මාලුවෙකි. ෆ්ලැට් ෆිෂ් හෙවත් පැතලි මාලු කාණ්ඩයට අයත් පතා මැඩියා තමුන් ඉන්න පළාතට අනුව වර්ණය වෙනස් කරගැනීමේ හපනෙකි. පතා මැඩියෝ වර්ග විශාල ගණනකි. එයින් එක් වර්ගයක පතා මැඩියෝ ජලයේ පතුලේ වාසය කරති. උන් ජල පත්ලේ ඇති රටාවන්ට අනුව සිය සිරුරේ හැඩහුරුකම වෙනස් කරගනිති. පතා මැඩියන් ජලය තුළ සිටින විට උන්ගේ දෑස් ඇත්තේ උඩටය. ජල තලයෙන් කිසියම් අනතුරක් වෙත්නම් ඒ හරහා ඌට ලේසියෙන් අඳුනාගන්නට හැකියාව ලැබේ.

 

කොළයා සිංහරාජයේදීද හමුවෙන ලංකාවේ ද දකින්නට ලැබෙන සතෙකි. කොලයා කෘමියෙකි. ඌ පෙනුමෙන් කොළයකට සමානය. කොළයා ආහාරයට ගන්නේද ශාඛ පත්‍ර වේ. ඇතැම් පළාත්වල මේ කොළයාට පේර කොළයා යැයිද ව්‍යවහාර වේ. මේ කොළයාගේ පේර කොළයක් ලෙස දිස් වන්නේ එක් පැත්තක් පමණක් නොවේ. ඌ අනෙක් පස හැරෙව්වද ඒ පැත්තද තනිකරම කොළයක් හැඩයට දිස්වේ.

 

බෝදිලිමා ලංකාවේ වනාන්තර වල සිටින අසිරිමත් කුඩා සතෙකි. විශාල කටුස්සකු මෙන් දිස්වන බෝදිලිමා ටිකක් කම්මැලි සතෙකි. සිටින තැන අනුව සිරුරේ පැහැය වෙනස් කරගැනීමට බෝදිලිමා දක්ෂය. එයින් බෝදිලිමාට සැඟවීමට පහසුය. එසේම මේ බෝදිලිමා වැනි සතුන් පාට වෙනස් කරගැනීමේ තවත් රහසක් තිබේ. බෝදිලිමා වැනි සතුන්ට පහද දෙන විලෝපිකයින් සතුව ආහාරයට සුදුසු සතුන්ගේ වර්ණ හැඩරුව ගැන යම් මතකයන් ඇත. හිටිවනම බෝදිලිමා පාට වෙනස් කළ විට ඒ විලෝපිකයාට ‘මූ කන්න හොඳ සතෙක්ද නැද්ද?’ යන සැකය ද ඇතිවේ. සතුන් විලෝපිකයින්ගෙන් ගැලවීමට යොදන එක් උපායක් ලෙස ඒ වර්ණය වෙනස් කරගැනීම දැක්විය හැකිය.

 

අගුලුවා යැයි කියන විට තරමක් ආගන්තුක වුවද කැට් ෆිෂ් නමින් ජනප්‍රිය අපේ මාලු ටැංකිවල ද සිටින මත්ස්‍යයෙකි මේ. මේ කැට් ෆිෂ් අපේ මාලු ටැංකිවල සිටියද කැට් ෆිෂ්ගේ ඇතැම් නෑයින් මිනිසුන් තරම් විශාලයට වැඩේ. මේ කැට් ෆිෂ්ලා ද ඔවුන් සිටින ජලයේ ස්වභාවයට අනුව පාට වෙනස් කරගන්නා බව සොයාගෙන තිබේ. කළුපාට තටාකයකට කැට් ෆිෂ් දැමුවොත් ඌ තනිකර කලුපාට වී පාට තද කර ගනී. සුදුපාට අවර්ණ පසුබිමක ටැංකියකට කැට්ෆිෂ් දැමුවොත් ඔවුන්ගේ සිරුර තුළ දිවෙන රුධිර නාලිකා පවා බලාගත හැකි මට්ටමට විනිවිද පේන ලෙස පැහැය වෙනස් කරගන්නා බව විද්‍යාඥයින් සොයාගෙන තිබේ.

 

Sri News Media

LEAVE A REPLY

Please enter your comment!
Please enter your name here