Google search engine
Home ගොසිප් පුවත් විය­ළා­ගැ­නී­මට දැමූ ඇඳුම් ගන්න උඩුමහළට ගිය කාන්තා­ව පහ­ළට වැටී මියගිය හැටි

විය­ළා­ගැ­නී­මට දැමූ ඇඳුම් ගන්න උඩුමහළට ගිය කාන්තා­ව පහ­ළට වැටී මියගිය හැටි

0
26

gampola-incident

ගෙදර කිසි­ව­කුත් නැති වේලා­වක සෝදා විය­ළා­ගැ­නී­මට දැමූ ඇඳුම් ඉවත් කිරී­මට සිය නිවෙසේ උඩු­ම­හ­ලට ගිය 35 හැවි­රිදි කාන්තා­වක ඉන් පහ­ළට වැටී ජීවි­ත­ක්ෂ­යට පත්ව සිටි­යදී සාමාන්‍ය පෙළ විභා­ගය ලියා ගෙදර පැමිණි පුතුට හමු වීමේ ශෝක ජනක සිද්ධි­යක් ගම්පොළ නාරං­විට ප්‍රදේ­ශ­යෙන් වාර්තා වේ.

මෙසේ මිය­ගොස් ඇත්තේ ගම්පොළ නාරං­විට පිහි­ල්ල­දෙ­ණිය ප්‍රදේ­ශයේ පදිංචි මනෝරි නිසං­සලා හරි­ස්චන්ද්‍ර නමැති දෙදරු මවකි. ඇයගේ සැමියා වන පිල්ලෑවේ ගෙදර ශාන්ත කුමාර ඉදි­කි­රීම් අංශයේ කොන්ත්‍රා­ත්ක­රු­වෙකි. ඔහු එදින එම ප්‍රදේ­ශ­යේම ඉදි කිරී­මක් සඳහා උදෑ­ස­නින්ම නිවෙ­සින් පිටව ගොස් තිබේ. ඔවුන්ගේ වැඩි­ම­හල් පුතු මෙවර අපොස සාමාන්‍ය පෙළ විභා­ග­යට පෙනී සිටින බැවින් මිය­ගිය කාන්තාව පෙරේදා (14) උදෑ­ස­නම ආහා­ර­පාන සකස් කර දී පුතු විභාග මධ්‍ය­ස්ථා­න­යට පිටත් කර යවා තිබේ. ඇය පෙර­වරු දහ­යට පමණ දෙවැනි පුතු අතේ සැමි­යාට තේ වතුර යවා ඇති අතර,

එහිදී ඒ පුතු පියා සමග වැඩ­පො­ළේම නතර වී තිබේ. සවස් වරුවේ වැසි වැටෙන නිසා, විය­ළා­ගැ­නී­මට දැමූ රෙදි ගැනී­මට ඇය උඩු­ම­හ­ලට ගොස් ඇත්තේ මෙලෙස නිවෙසේ සිය­ල්ලන් බැහැර සිටි අත­ර­තු­රේය. නිවෙ­සට ඇතුළු වන ගේට්ටුව හා නිවෙසේ උඩු­ම­හල අතර යකඩ බට හා තහඩු දමා තිබෙන අතර, ඇය රෙදි වනා තිබී ඇත්තේ ඒ මතය. රෙදි ගැනී­මට යෑමේදී යකඩ තහ­ඩු­වක්ද සමඟ ඇය පහ­ළට වැටී ඇති බව පොලි­සිය පව­සයි.

විභා­ගය සඳහා ගිය පුතු සවස හතර හමා­රට පමණ නිවෙ­සට පැමිණ ඇතත් ගේට්ටුව තිබී ඇත්තේ වසාය. එබැ­වින් ඔහු ගේට්ටුව ඉදි­රි­පිට සිට මවට කථා කර දොර අරින ලෙස පවසා තිබේ. ගෙතු­ළින් පිළි­තු­රක් නොවූ තැන ඔහු තාප්පෙන් ගෙව­ත්තට පැන ඇති අතර, එහිදී සිය මව ලේ විලක් මැද මිදුලේ වැටී සිටින අයුරු දැක තිබේ.

සිද්ධි­යෙන් කම්ප­න­යට පත් පුතු බොහෝ වේලා­ව­කට පසු මේ බව සිය පියාට හා අස­ල්වා­සීන්ට දන්වා ඇති අතර, ඔවුන් පැමිණ ඇය රෝහ­ලට රැගෙන ගියත් ඒ වන විටත් ඇය මිය­ගොස් සිටි බව පරී­ක්ෂණ පව­ත්වන පොලි­සිය පව­සයි.

ගම්පොළ ශික්ෂණ රෝහලේ අධි­ක­රණ වෛද්‍ය නිල­ධාරි සචින්ත රත්න­තුංග මහතා විසින් ඇයගේ පශ්චාත් මරණ පරී­ක්ෂණ කට­යුතු ඊයේ (15) සිදු කරනු ලැබූ අතර, දොළුව හදිසි මරණ පරී­ක්ෂක ගාමිණී ගුණ­රත්න මහතා මරණ පරී­ක්ෂණ කට­යුතු සිදු කළේය.

ගම්පොල කොට්ඨා­සය භාර ජ්‍යෙෂ්ඨ පොලිස් අධි­කාරි අසංක බණ්ඩාර ගුණ­ති­ලක, ජ්‍යෙෂ්ඨ පොලිස් අධි­කාරි රොෂාන් අම­ර­සිංහ, ගම්පොළ මූල­ස්ථාන පොලිස් පරී­ක්ෂක ලක්සිරි ප්‍රනාන්දු මහ­ත්ව­රුන්ගේ උප­දෙස් මත මෙහි පරී­ක්ෂණ සිදු කළ අතර, ස්ථානීය අප­රාධ අංශයේ ස්ථානා­ධි­පති (ප්‍ර.පො.ප) චම්පික විම­ල­රත්න (උ.පො.ප) මෙන්ඩිස්, (පො.සැ) 20191 හේරත්, 71950 කපිල යන නිල­ධා­රීහු ස්ථානීය පරී­ක්ෂ­ණය සිදු කළහ.

(ගම්පොළ – සුරංග දිල්හාන්)

Sri News

LEAVE A REPLY

Please enter your comment!
Please enter your name here