විදේශිකයන් විවාහ කරගත් අපේ රටේ ජනප්‍රිය කාන්තා​වන් – පළමු කොටස – Sri News

0
10

මහාවංශය කියන විදිහට අපේ සිංහල ජාතිය ආරම්භයේ  ඉඳන්ම සිද්ධ වෙලා තියෙන්නේ විදේශීය විවාහ. ලාට රටින් ආපු විජයව විවාහ කර ගන්නේ අපේ රටේ කුවේණි. අපේ රට දූපතක් වීම නිසා අනෙක් රටවලට සාපේක්ෂව විදේශිකයන් සමග සම්බන්ධතා ඉතා වැඩි වුණා. මේ නිසා මේ වගේ විවාහ කියන කියන දේවලුත් අපේ සමාජයට අරුමයක් වුණේ නැහැ. අද අපි ඔබට ගෙනෙන ආටිකල් එකෙන් අපි කතා කරන්නේ විදේශිකයන් සමග විවාහ වුණ අපේ රටේ ජනප්‍රිය කාන්තාවන් ගැන.

 

කාලයක් ලංකාවේ අතිශයින් ජනප්‍රිය නිළියක් වෙලා හිටපු සසන්ති ජයසේකර තමන්ගේ පළමු විවාහය බිඳ වැටීමත් එක්ක තම දරුවා සමග විදේශගත වුණා. එක්සත් රාජධානියේ කාලය ගත කරපු ඇය විටින් විට ශ්‍රී ලංකාවට පැමිණියා. ඒ කාලය තුළ ඇය ජූලියා චිත්‍රපටයට පමණක් සිය රංගන දායකත්වය ලබා දුන්නා. මේ අතරතුරේ දී ඇගේ ජීවිතයට ස්ටීව් නම් බ්‍රිතාන්‍ය ජාතිකයකු ළං වුණා. ඔහු පළමු විවාහයෙන් දරුවෙකු සමග තනිවුණු අයෙක්. ස්ටීව් සමග අලුත් ජීවිතයක් ආරම්භ කරපු සසන්ති, ඔහුගේ දරුවාටත් දෙවැනි මවක් බවට පත් වුණා. පසුගිය වසරේ දී සිය සැමියා සහ දරුවන් දෙදෙනා සමඟ ලංකාවටත් ඇය පැමිණියා.

 

ගීතාම කියන විදිහට ඇ​ය රට වෙනුවෙන් තමන්ගේ විවාහය පවා කටු ගාපු කාන්තාවක්. ස්විස්ටර්ලන්ත ජාතිකයෙකු වූ ක්‍රිස් ෆෘහර් සමග විවාහ ව සිටි ඇයට එක දියණියක් සිටිනවා. මේ විවාහයත් සමග ඇයට ස්විස්ටර්ලන්ත පුරවැසිභාවයත් හිමි වුණා. නමුත් මේ හේතුවෙන් දහනවවැනි සංශෝධනය ප්‍රකාරව ඇයට ශ්‍රී ලංකා පාර්ලිමේන්තුවේ මන්ත්‍රී ධූරයක් දැරිය නොහැකි බවට ශ්‍රේෂ්ඨාධිකරණය විසින් තීන්දු කරනු ලැබුවා. ඉන් වසරකට පමණ පසුව මාධ්‍ය සාකච්ඡාවකදී ඇය ප්‍රකාශ කළේ තමන් ක්‍රිස්ගෙන් දික්කසාද වූ බවයි.

 

සිංහල සිනමාවේ ගිනිසිළුව විදිහට සුමනා ගෝමස් කාලයක් අපරාජිතව රැඳී සිටියා. ඇය රඟපෑ චිත්‍රපට නැරඹීමට ජනයා පෙළඹුණා මෙන්ම ඇගේ ඡායාරූප ඇතුළත් පත්තර සඟරා පවා උණු කැවුම් වගේ කාලයක් ලංකාවේ විකුණුනා. නමුත් විවිධ හිත රිදීම් සහ කලකිරීම් නිසා ඇය ලංකාව අතහැරල ඇමරිකා එක්සත් ජනපදයේ නව ජීවිතයක් ආරම්භ කළා. එහිදී ඇයට හිමි ඉරණම්කාරයා මුණ ගැහුණා. ඔහු නමින් ග්‍රෙගරි ටොරොටෝලියෝ. වෘත්තියෙන් සූපවේදියකු වූ සිය සැමියාගේ අවන්හල පවත්වා ගෙන යෑමට සහාය දෙමින් සුමනා ගෝමස් සාර්ථක විවාහ ජීවිතයක් දැන් ගත කරනවා.

 

ලංකාවේ ඉපදිලා ජාත්‍යන්තරය ජය ගත්ත පළවෙනි නිළිය විදිහට මොරින් හින්ගර්ට් හඳුන්වන්න පුළුවන්. ​ඒ වගේම ඇය රූ රැජිණ තරගයකින් ජය ගැනීමෙන් ලංකාවේ නම ලෝකය පුරා ගෙන යාමට විශිෂ්ට දායකත්වයක් ලබා දුන්නා. නැවත ලංකාවට ඇවිත් සිංහල සිනමාවට දායක වීමට ඇය උත්සාහ කළත් ඇගේ සිංහල උච්චාරණය දුර්වල වීම නිසා එම අවස්ථාව ඇයට මගහැරුණා. මින් කලකිරීමට පත්වූ ඇය නැවතත් ඇමරිකා එක්සත් ජනපදයට ගොස් තමන්ගේ වාසනාව උරගා බැලුවා. එහිදී ඇයට දැවැන්ත හොලිවුඩ් සිනමා නිර්මාණ කීපයකට තමන්ගේ දායකත්වය ලබා දෙන්න අවස්ථාව ලැබුණා. තමන්ගේ සහකරුවත් ඇමරිකාවෙන්ම හොයාගත් ඇය පළමුව විවාහ වුණේ  මාරියෝ ආමන්ඩ් සම්පරෙල්ලි සමගයි, එම විවාහය බිඳ වැටීමෙන් පසුව ඇය විලියම් ජේ. බැලාඩ් සමග විවාහ වුණා.

 

Sri News Media

LEAVE A REPLY

Please enter your comment!
Please enter your name here