වාතයක් වෙන තරමට ඇලිලා ඉන්න බෝයිෆ්‍රෙන්ඩ් කෙනෙක්/ගර්ල්ෆ්‍රෙන්ඩ් කෙනෙක් එක්ක වැඩ කරන්නේ මෙහෙමයි! – Sri News

0
5

දැන් දෙන්නෙක් සිරාවට ලව් කරන්න ගන්නවා කියන්නෙම දෙන්නට දෙන්නා සෑහෙන්න ලඟයි කියන එකනේ. ඒ කියන්නේ දෙන්නට දෙන්නා දවසේ ඕනම මොහොතක ඉන්නෙ කොහෙද කියලා දෙන්නම දන්නවා. එකිනෙකාගේ දවසේ සිද්ධ වෙන දේවල් දන්නවා. එකිනෙකාගේ මූඩ්ස් දන්නවා. එකිනෙකාගේ ප්‍රශ්න ගැටළු දන්නවා. කොටින්ම කිවුවොත් ලව් කරනකොට අමුඩෙයි පශ්චාත් භාගයයි වර්ගේ සමීප සම්බන්ධතාවයක් හැදෙනවා. ඒක බොහොම සාමාන්‍ය දෙයක්නේ.

හැබැයි ඉතින් ලව් කරන්න ගත්තා කියලා දෙන්නා එක්කෙනෙක් වෙන්නෙ නෑ. රන් රස සේ පෑහෙන්නෙත් නෑ. දෙන්නා දෙන්නෙක්. දෙන්නටම තම තමන්ගේ පර්සනල් ස්පේස් එක, පෞද්ගලික අවකාශය තියෙන්න ඕන. හැබැයි ප්‍රශ්නේ කියන්නේ සමහර ගර්ල්ෆ්‍රෙන්ඩ්ස්ලට, බෝයිෆ්‍රෙන්ඩ්ස්ලට ඕක නොතේරෙන එක. ආයෙ ඉතින් ඇඟේ එල්ලිච්ච ගමන් ඉන්න හදන්නේ. අඩුම ගාණේ කොහේ වත් යන්නවත් නිදහසක් නෑ. ඔන්න ඕකට තමයි සුද්දගෙ බාසාවෙන් clingy කියලා කියන්නේ.

හරි, එහෙම ඇණයක් වෙන තරමට ඇලිලා ඉන්න හැදුවත් ඉතින් මේ ලව් කරන කොල්ලා හරි කෙල්ල හරිනේ. ටොක්කක් ඇනලා හරි හදාගන්න එක අපේ වගකීමනේ. ඉතින් කොහොමද ඒක කරන්නේ? ආන්න ඒකට ටිප්ස් ටිකක් තමයි මේ දෙන්න යන්නේ.

 

මූලිකම දේ තමයි තේරුම් ගැනීම. ඒ කියන්නේ කෙනෙක් මේ විදියට ඇණයක් වෙන තරමට ඇලෙන්න, පස්සෙන් වැටෙන්න, ඒකට ඉඩ නොලැබෙන කොට රණ්ඩු වෙන්න හේතු තියෙනවා. ප්‍රධානතම හේතුව ඉතින් ආදරේ හරි ඒ වගේ හැඟීමක් එක්ක එන, අපිව නැතිවෙයි කියන බයනේ. ඒකට හේතුව එක්කෝ මොකක් හරි අනාරක්ෂිත හැඟීමක්නේ. එක්කෝ තමන් ගැන තියෙන අඩුතක්සේරුවක් වෙන්න පුළුවන්. ඒ කියන්නේ “මට වඩා මගේ කොල්ලා/කෙල්ල ලස්සනයි, ඒ නිසා එයාට මට වඩා හොඳ කෙනෙක් සෙට් වෙන්න පුළුවන් ” වගේ හැඟීම්. එහෙම නැතිනම් සමහර වෙලාවට අපේ පෙර වැරදි හින්දත් පාට්නර් අපිට ඇලිලා ඉන්න උත්සාහ කරන්න පුළුවන්. කොහොම හරි මෙන්න මේ හේතු මොනවද කියලා තේරුම් ගන්න එක තමයි පළවෙනි පියවර.

 

 

ඒ වගේම මෙහෙම පාට්නර් කෙනෙක් එක්ක ලව් එක කොහොම හරි කරලා ගොඩදාගන්න නම්, ඉවසිලිවන්ත භාවයත් අතිශයින්ම වැදගත්. මොකද, පොඩ්ඩක් ඇත්තං රණ්ඩු කරන්න ගිහිල්ලා ප්‍රශ්නේ බේරුම් කරගන්න බෑ. අන්න ඒ නිසා, ඉවසිල්ලෙන් පොඩ්ඩක් ඉන්න වෙනවා. එක පාරටම ඇලෙන එක නවත්තන්න යන්නෙත් නැතුව, ඒක ක්‍රම ක්‍රමයෙන් අඩු කරගන්න වෙනවා. ආන්න ඒ ගැන තමයි මෙතනින් එහාට කියන්නේ.

 

සන්නිවේදනය කියන්නේ මෙහෙම දෙයක්. අපි උඩින් කිවුවනේ අතිශයින්ම ඉවසිලිවන්ත වෙන්න ඕන මේ වෙලාවෙදී කියලා. ඊට පස්සේ දෙන්නත් එක්ක ඇත්තටම ගැටළුවක් තියෙනවා කියන එක සාකච්ඡා කරන්න ඕන. හැබැයි මේ සාකච්ඡාව රණ්ඩුවකට හැරෙනවා නං වැඩේ අසාර්ථකයි. ඒ නිසා දෙන්නම හොඳ මූඩ් එකක ඉඳලා, කොහොමද මේ පමණට වඩා ඇලෙන ප්‍රශ්නේ බේරගන්නේ කියලා කතාබහ කරන්න ඕන. එතනදී අපිට හිත නොරිදෙන විදියට මේක කියන්න වෙනවා. හැබැයි දෙන්නම මේක විසඳගන්න ඕන කියලා එකඟ වුණාට පස්සේ ප්‍රශ්නෙන් භාගයක් ඉවරයි. ඊට පස්සේ තියෙන්නේ දෙන්නට මගක් දුරකට ඇවිත් සහයෝගීතාවයකට එන්නේ කොහොමද කියන එක කතාබස් කරගන්න. උදාහරණයක් විදියට කිවුවොත්, පැයකට සැරයක් කෝල් කරන්න බැරි වුණත්, ඔෆිස් එකේදී වුණත් දවසට කීප වතාවක් මෙසේජ් එකක් දාලා දුකසැප හොයලා බලන්න එකඟ වෙන්න පුළුවන්. යන එන තැන් කියලා යන්නේ කියලා මේ පැත්තෙන් එකඟ වෙනකොට, ගිය වෙලේ ඉඳලා කෝල් කරන්නෙ නැතුව ඉන්න එයාට එකඟ වෙන්න පුළුවන්.

 

 

Sri News Media

LEAVE A REPLY

Please enter your comment!
Please enter your name here