වයසින් වැඩි ගැහැණු කෙනෙක් තමන්ට ගොඩක් වයසින් බාල පිරිමියෙක්ට ආදරේ කළහම මොකද වෙන්නේ? – Sri News

0
10

හරි, හෙඩින් එක දැකපු ගමන් දන්නවනේ අපි මොකක් ගැනද මේ කියන්න යන්නේ කියලා. ආදරේට කොහෙද වයසින් බාධා කියලා සාමාන්‍යයෙන් කිව්වට, ආදරේ කරන දෙන්නා අතරේ ලොකු වයස් පරතරයක් ආපු ගමන් පොඩ්ඩක් අහල පහල හෙල්ලිලා යනවා. වෙන එකක් ඕන නෑ, මතකනේ වික්ටර් රත්නායකගේ විවාහයට මිනිස්සු කියපු කතා. ඒ වගේම තමයි පහුගිය දවස් වල සමිතා තමන්ට වඩා බාල තරුණයෙක් එක්ක හාද වෙලාය කියලා ඇත්ත හෝ බොරු හෝ කරලියට ආපු ආරංචියටත් ඔය විදියටම සමාජ මාධ්‍ය එහෙම හෙල්ලිලා ගියා. හැමෝම ඒ ගැන කතාවෙන්න පටන් ගත්තා.

 

කොහොම හරි අපි මේ හොයාබලන්න උත්සාහ කරන්නේ එක එක්කෙනාගේ ජීවිත වල මොනවද වෙන්නේ කියන එක නෙවෙයි. ඒක අපිට අදාළ දෙයක් නෙවෙයිනේ. අපි හොයාබලන්න හදන්නේ වයසින් බාල පිරිමියෙක් එක්ක වයසින් වැඩුමහල් ගැහැණියකට ආදරය කරන්න, හාද වෙන්න, දීග කන්න බැරි ඇයි කියන එක ගැනයි. ඒ වගේ සම්බන්ධයකදී සමාජේ බහුතරයක් කඩු පොලු උස්සගෙන එන්නේ ඇයි කියන එක ගැනයි.

 

මේකේ අනික් පැත්ත, ඒ කියන්නේ වැඩිමහල් පිරිමියා සහ බාල ගැහැණීය ගැන සීන් එක අපි කලින් කියලා තියෙනවා.

 

මේ සම්බන්ධයෙන් ඇහෙන ප්‍රශ්නයක් තමයි, ඇත්තටම වයසින් වැඩිමහලු කාන්තාවක් එක්ක වයසින් බාල කෙනෙක් සම්බන්ධයක් ඇතිකරගන්න පුළුවන්ද, ඇයි වයසින් බාල කෙනෙක් තමන්ගේ සම වයසේ හරි තමන්ට වඩා බාල හරි කෙල්ලෙක්ට ආකර්ෂණය නොවෙන්නේ කියන එක. හේතුව සරලයි. එක එක මනුස්සයා තවත් මනුස්සයෙක්ට ආකර්ෂණය වෙන්නේ එක එක හේතු මත. ඒකට ලෝක නීතියක් කියලා දෙයක් නෑ. සමහරු බුද්ධිමත් කමට ආකර්ෂණය වෙනවා. සමහරු රාගාන්විත බවට ආකර්ෂණය වෙනවා. සමහරු ආදරයට ආකර්ෂණය වෙනවා. සමහරු ධනයට හෝ බලයට ආකර්ෂණය වෙනවා. ඉතින් ඔය මොන කාරණාව නිසා වුනත්, වයසින් වැඩිමහළු ගැහැණු කෙනෙක්ට ඊට වඩා ගොඩක් බාල කෙනෙක් ආකර්ෂණය වෙන්න පුළුවන්. විශේෂයෙන්ම ආදරේට නම් වයස් බේද නැහැ කියලා අමුතුවෙන් කියන්න ඕන නැහැනේ.

 

ඇත්තටම ලිංගික ආකර්ෂණය නිසා වුනත් මේ වගේ සම්බන්ධතාවයක් ඇති වෙන්න පුළුවන්. ඒකට දෙන්නගේ වයස් පරතරයක් බලපාන්නේ නෑ. බලපාන එකම දේ තමයි, දෙන්නට දෙන්නා ලිංගිකව කොයි තරම් සමපාත වෙනවද, දෙන්නගේ ලිංගික ආශාවන් ගැලපෙනවද, වයසින් බාල තරුණයා ලිංගිකව එක්වෙන්න පුළුවන් වයසක ඉන්නවාද කියන එක විතරයි. එතනින් එහාට මොනවද වෙන්නේ කියන එක අපිටවත් ඔබටවත් අදාළ නැහැ. මොකද දෙන්නෙක්ගේ නිදන කාමරයේ එකිනෙකාගේ කැමැත්ත සහිතව, නීත්‍යානුකූලව සිද්ධ වෙන දේවල් එතනින් පිට ලෝකෙට අදාළ නොවෙන නිසා.

 

වයසින් වැඩි ගැහැණියක් එක්ක වයසින් බාල පිරිමියෙක්ට සෙක්ස් කරන්න පුළුවන්ද කියන ප්‍රශ්නේ වුනත් එන්න ඕන ඒ දෙන්නට තමයි. ඒකට අපි උත්තරයක් දෙනවා නම්, බැරි කමක් නැහැ. තමන්ට ලිංගික හැඟීම් තියෙනවා නම්, ලිංගිකව තමන් සක්‍රිය නම්, මනා ශරීර සෞඛ්‍යයෙන් යුතු නම් කිසිම ප්‍රශ්නයක් නෑ.

 

Sri News Media

LEAVE A REPLY

Please enter your comment!
Please enter your name here