ලෝකයේ වී වගා කිරීමේ ඉතිහාසය – Sri News

0
4

වගා කරන වී වල වර්ග දෙකක් තියනවා. එයින් ඉන්ඩිකා කියන අපේ රටේ සහ නිවර්තන කලාපයේ වැවෙන වී ජාතිය මීට වසර 10,000 කට 14,000කට ඉස්සර වෙලා මිනිස්සු දියුණු කරගත් එකක් කියලා විශ්වාස කරනවා. දැනටත් චීනය, ජපානය වගේ පැතිවල වගා කරන ජැපොනිකා කියන සහල් වර්ගයත් එහෙම පසුව මිනිස්සු තෘණ ආශ්‍රිතව දියුණු කරගත් බෝගයක් බවට තමයි විශ්වාස කරන්නේ. මුලින්ම එකපාර හාල් කියලා දෙයක් තිබුණේ නැහැ. කුඩා තෘණ ඇට තියෙන බෝගයන්ගෙන් ලොකු ඇට තියෙන ඒවා කාලාන්තරයක් තිස්සේ මිනිසා විසින් තෝරාගැනීම නිසා දැන් තියෙන හාල් ලෝකෙට ඇවිත් තියෙනවා.

 

දැනට තියෙන සාධක අනුව චීනයේ පර්ල් ගංගා නිම්න ආශ්‍රිතව මීට වසර 8200 – 13,500 කාලය ඇතුළත සහල් වගා කරලා තියෙන බව සොයාගෙන තියනවා. යැංසි ගඟේ මැද සහ ඒ ආශ්‍රිත කළාපයේ වී වගා කර ඇති බවට සාධක තියෙනවා. ගංගා පිටාර ගැලීම සුලභ නිසා, සහල් වලට අවශ්‍ය අමතර ජලය තියෙන මඩ සහිත වටපිටාව චීනයේ ගංගා ආශ්‍රිතව නිතරම පැවතී තිබෙනවා. 

 

චීනයේ, ලංකාවේ, ඉන්දියාවේ වවාගෙන කෑවාට හාලුත් ලෝකේ වටේ බෙදාගෙන ගියේ යුරෝපීය ජාතිකයන් විසිනුයි. යටත්විජිතකරණයේ යෙදුණු පෘතුගීසි ජාතිකයන් බ්‍රසීලයට සහල් හඳුන්වා දුන්නා. ඉන් පසු ස්පාඤ්ඤවරු දකුණු සහ මධ්‍යම ඇමරිකානු රටවලට සහල් හඳුන්වා දුන්නා. උතුරු ඇමරිකාවට හාල් ගේන්නේ 1685 තරම් මෑත කාලේ. වී වගාව ඇමරිකාවේ දකුණු කැරොලිනාවේ ජනප්‍රිය වෙන්නේ නම් 1800 ගණන් වලදීයි. බටහිර අප්‍රිකාවෙන් වී ගෙනත් පැළ කරන්න පුළුවන් වුණත්, ඇමරිකානු ජාතිකයන්ට වී වගා කරන සංකීර්ණ විදිහ අල්ල ගන්න ටික කලක් ගියා.

 

 

මුලින්ම කිව්වා වගේ චීනයේ පිටාර ගලපු ගංගා ආශ්‍රිතව වී වගාවේ මුල් සාධක හමුවෙලා තියෙනවා. ලෝකේ පැරණිතම සහල් පිළිබඳ සාධක තියෙන්නේ තමුන් ළඟ කියලා කොරියානුවන් කියනවා. පුරාවිද්‍යාත්මකව සනාථ වුණු ඒ සාධක මීට වසර 15,000කට එපිට කාලය තෙක් දිව යනවා. ඉන්දියාවේ ගංගා නිම්නය ආශ්‍රිතව වී වගා කරපු සාධක මීට වසර 7000කට පෙර ඒවා බවට විශ්වාස කරනවා. ඒ වගේම වසර 3000-2500 කට එපිට ඉන්දු නිම්න ශිෂ්ටාචාරයේත් වී වගාව කෙරිලා තිබෙන බවට සොයාගෙන තියෙනවා. නූතන ලෝකයේ සහල් අවශ්‍යතාවයෙන් වැඩි කොටසක් පාකිස්තානය, බංග්ලාදේශය. මියන්මාරය, තායිලන්තය, පිලිපීනය, ජපානය, වියට්නාමය වැනි රටවලින් ලෝකයට එනවා. එය සමස්ථ ලෝක සහල් අවශ්‍යතාවයෙන් 92%ක් පමණ වෙනවා.

 

 

අප්‍රිකාවේ මීට වසර 3500කට එපිට සිට වී වගා කරන්නට ඇති බව විශ්වාස කෙරෙනවා. ඒ පිළිබඳ සාධක ක්‍රිස්තු පූර්ව 1500-800 කාලයේ සිට හමු වෙලා තියෙනවා. නයිජර් ගංගා මිටියාවත සහ සෙනගාලය ආශ්‍රිතව පුරාතනයේ පටන් වී වගා කර තිබෙනවා. ආසියානු වී වර්ග වලට වඩාත් සමාන වී වර්ගයක් තමයි ඒ කාලේ ඉඳන් අප්‍රිකාවේ වවල තියෙන්නේ. අප්‍රිකානු සහල් අප්‍රිකාව මුහුණදුන් 1203 මහා සාගතයෙන් ගැලවෙන්න ඔවුන්ට උදව් වුණා.

Sri News Media

LEAVE A REPLY

Please enter your comment!
Please enter your name here