ලෝකයේ වැඩිම මිලකට රක්ෂණාවරණය කෙරුණු ශරීරාංග – Sri News

0
3

රක්ෂණය ගැන අපි විවිධ අවස්ථාවල කතාකරල තියෙනව. තව කථා කරන්නත් තියෙනව. මොකද රක්ෂණය කියන්නෙ බොහොම ගැඹුරට කතාබහ කරන්න පුළුවන් මාතෘකාවක්. රථවාහන රක්ෂණ, ජීවිත රක්ෂණ, ගිනි හානි රක්ෂණ, සොර සතුරු ආවරණ වගේ හුඟක් රක්ෂණ ක්‍රම අතරේ මේ කතා කරන්න යන්නෙත් රක්ෂණයටම අදාළ මාතෘකාවක්. හැබැයි මෙහෙම රක්ෂණ ක්‍රමයන් මේ ලෝකයේ තියෙනවද කියලවත් හුඟක් දෙනෙක් දන්නෙ නැහැ. මේ හුඟක් ප්‍රසිද්ධ පුද්ගලයින් බොහෝවිට ඔවුන්ගේ වෘත්තියට අදාළව හෝ එහෙමත් නැත්තම් පෞද්ගලික කැමැත්ත මත තම තමන්ගේ ශරීරාංග ඉතා ඉහළ මිලකට රක්ෂණය කරපු අවස්ථාවන්. ඔව් එහෙම වෙන වෙනම ශරීරාංග රක්ෂණය කරන්න පුළුවන් අපි අහලවත් නැති වුණාට. ඉතින් බලමුකෝ මොනවද මේ විදිහට ඉහළ මිලකට රක්ෂණය වුණු ශරීරාංග කියල.

 

ඩේවිඩ් බෙකම් කිව්වම අහල නැති මනුස්ස පරාණයක්නම් මේ ලෝකයේ ජීවත් වෙන්න තියෙන ඉඩකඩ බොහොම අඩුයි. ඒ තරමටම ඔහු පාපන්දු ක්‍රීඩකයෙක් විදිහට මුළු ලෝකයේම ප්‍රසිද්ධ වෙලා ඉවරයි. දැනට පාපන්දු ක්‍රීඩාවෙන් විශ්‍රාම අරගෙන හිටියත් පාපන්දු ක්‍රීඩා සමාජ දෙකක සභාපතීත්වය දරණ බෙකම් ගේ දැනටත් ප්‍රධානම වෘත්තීය මේ පාපන්දු ක්‍රීඩාව. ඉතින් කකුල කියන්නෙ ඔහුගේ වෘත්තියේ වැදගත්ම අංගය කිව්වට වැරදි නැහැනෙ. කකුල් වලට මොනව හරි දෙයක් උනොතින් මුළු වෘත්තියම අහවරයි. මෙන්න මේ ගැන හිතල තමයි බෙකම් ඔහුගේ කකුල් ඉතා ඉහළ මිලකට රක්ෂණය කරල තියෙන්නෙ. හරියටම කිව්වොත් ඔහුගේ කකුල් දෙක ඇමරිකානු ඩොලර් මිලියන 70කට රක්ෂණය කරල තියෙනව. ලංකාවේ සල්ලි වලින් අපිට කියාගන්නත් අමාරු ගාණක්. 

 

 

රොනාල්ඩෝ කියන්නෙත් ඉතා ඉහළ ප්‍රසිද්ධියක් උසුලන පාපන්දු ක්‍රීඩකයෙක්. ඔහුගේ කතාවත් කලින් කිව්ව වගේම තමයි. රොනාල්ඩෝ කියන්නෙ ඉතාම දුගී පවුලක උපත ලබල පාපන්දු ක්‍රීඩාව නිසාම ලෝකයේම ප්‍රසිද්ධියට පත්වුණ වගේම ඉහළ ධන සම්භාරයකට හිමිකම් කියපු ක්‍රීඩකයෙක්. කුඩා කාලයේ පවුල කොයිතරම් දුප්පත්ද කියනවනම් රොනාල්ඩෝගේ මව වතාවක් සඳහන් කරල තියෙනව දුප්පත්කම නිසා තවත් දරුවන් හදන්න බැහැ කියල හිතිල රොනාල්ඩෝ ඉපදෙන්න කලින් ගබ්සා කරන්න පවා හිතූ බව. ඉතින් එහෙම කෙනෙකුට මේ තරම් දුරක් එන්න උදව් කරපු කකුල් දෙක කොයිතරම් නම් වටිනවා ඇතිද. අන්න ඒක නිසාම තමයි ඔහු ඔහුගේ පාද ඩොලර් මිලියන 144කට රක්ෂණය කරන්නෙ. කලින් කියපු බෙකම්ගේ පාද වගේ දෙගුණයකටත් ඉහළ මිලක් මේ. 

 

 

මේකත් අපිට හිතාගන්නවත් බැරි අමුතු රක්ෂණයක්. ජෙනිෆර් එහෙමත් නැත්තම් J. Lo කියල කියන්නෙ ඇමරිකානු ජාතික ගායිකාවක්, ගීපද රචිකාවක්, නිළියක්, නර්ථන ශිල්පිනියක්. මේ සියලු හැකියාවන්ගෙන් පිරුණු ජෙනිෆර් ඇගේ ඉදිරිපත් කිරීම් වලදී ඇගේ පසු පෙදෙස අලංකාරවත් විදිහට භාවිත කරමින් නර්තනයේ යෙදෙනව. ඉතින් මේ ලස්සන පශ්චාත් භාගයට හානියක් උනොත් මොන අපරාදයක්ද කියල හිතලදෝ කොහෙද ඇය ඇගේ පසුපස පෙදෙස ඒ කියන්නෙ තට්ටම් රක්ෂණය කරනව ඇමරිකානු ඩොලර් මිලියන 300ක මුදලකට. අර කලින් කියපු ලෝක ප්‍රසිද්ධ පාපන්දු ක්‍රීඩකයින්ගේ කකුල් වලටත් වඩා ඉහළ මිලකට හොඳේ. 

 

 

Sri News Media

LEAVE A REPLY

Please enter your comment!
Please enter your name here