ලාංකිකයන් තැබූ ගිනස් වාර්තා 7ක් – Sri News

0
11

අපි අද ඔබට කියන්න යන්නේ ගිනස් වාර්තා පොතට යන්න සමත් වෙච්ච ශ්‍රී ලාංකිකයන් කිහිප දෙනෙක් සහ ඔවුන් විසින් තබන ලද වාර්තා කිහිපයක් ගැනයි. මේ ලිපිය සඳහා අපි විසින් හිතාමතාම ක්‍රිකට් සම්බන්ධ වාර්තා ඉවත් කරලා තියෙනවා. මොකද ක්‍රිකට්වලට ලැදි ජනතාවක් විදිහට අපේ රටේ බොහෝ දෙනෙක් ක්‍රිකට් සම්බන්ධව ගිනස් වාර්තා පිළිබඳව දන්න නිසා. එහෙමනම් අපි වැඩිදුරටත් කතා කරන්නේ නැතුව ගිනස් වාර්තා පොතට යන්න සමත් වෙච්ච අපේ රටේ අයව හොයාගෙන යමු.

 

ධාවන ශූරයෙකු විදිහට ප්‍රකට වෙලා හිටිය සනත් බණ්ඩාර 2011 දෙසැම්බර් 22 වැනි දින පැයක් ඇතුළත වැඩිම ටී ෂර්ට් ගණනක් ඇඳලා ගිනස් වාර්තා පොතට ඇතුළත් වුණා. ඔහු එම කාලය තුළ අඳින ලද ටී ෂර්ට් ගණන 257 ක්. ඒ වන විටත් ඔහු ගිනස් වාර්තා කීපයක් තැබීමට උත්සාහ කර තිබීම නිසා ‘ගිනස් බණ්ඩාර’ යන නමද පටබැඳී තිබුණා.

 

මීට වසර කීපයකට කලින් සිද්ද වුණු වසන්ත සොයිසා ඝාතනය රටම කළඹන්න සමත් වෙච්ච සිදුවීමක්. කරාටේ ශූරයකු වූ ඔහු 2009 අගෝස්තු 23 වැනි දින අඩි හතරක් දිග, අඩියක් පළල, අඟල් තුනක විශ්කම්භයක් සහිත කිලෝ අනූවක් බර කොන්ක්‍රීට් කුට්ටි 12ක් හිසෙන් පහරදීලා බිඳ දාලා ගිනස් වාර්තා පොතට ගිය කෙනෙක්. අද වෙනකල් වැඩිම කොන්ක්‍රීට් කුට්ටි ගණනක් හිසෙන් පහරදී බිඳ දැමීමේ මේ වාර්තාව බිඳ හෙළීමට කිසිවෙක් සමත් වෙලා නැහැ.

 

මේ ගිනස් වාර්තාව නම් එච්චර හොඳ ගිනස් වාර්තාවක් නම් නෙමෙයි. රාජ් රාජත්නම් කියන්නේ ඇමරිකා එක්සත් ජනපදයේ වාසය කරන ශ්‍රී ලාංකික බිලියනපතියෙක්. ඒ රටේ ඉහළ පෙළේ දේශපාලනඥයන් සමඟ සමීප සම්බන්ධතා පවත්වන ඔහු කොටි හිතවාදියෙක් විදිහටත් කුප්‍රකට පුද්ගලයෙක්. මූල්‍ය අක්‍රමිකතා පිළිබඳව අත්අඩංගුවට ගන්න ඔහුට 2009 ඔක්තෝම්බර් 16 දින ඇමරිකානු අධිකරණය විසින් ඇප ලබාදීම සඳහා ඇපය ලෙස ඇමරිකානු ඩොලර් මිලියන සීයක මුදලක් නියම කරනු ලබනවා. මෙය ලෝකයේ එතෙක් මෙතෙක් අධිකරණයක් මගින් සැකකරුවෙකු සඳහා නියම කළ විශාලතම ඇප මුදලට හිමි ගිනස් වාර්තාවට හිමිකම් කියනවා.

 

එදිරිවීර සරච්චන්ද්‍රගේ සිංහබාහු වේදිකා නාට්‍යයේ පොතේ ගුරුගේ චරිතය රඟපෑ ටෙරන්ස් රණසිංහ සහ සුප්පා දේවියගේ චරිතය රඟපෑ ඔහුගේ බිරිඳ වූ මාලනී රණසිංහ වැඩිම කාලයක් එකම චරිතය වේදිකාව මත නිරූපණය කළ නළු නිළි යුවළට හිමි ගිනස් වාර්තාවට උරුමකම් කියනවා. ඔවුන් 1961 සිට 1991 දක්වා වසර 30ක කාලයක් මෙම චරිතය නිරූපණය කළා.

 

Sri News Media

LEAVE A REPLY

Please enter your comment!
Please enter your name here