ලංකවේ ජනප්‍රියම එල්ලෙන පාලම්

0
6


ලණු වලින් බැඳපු එල්ලෙන පාලම් අතීතයේ ඉදන්ම
මේ දක්වාම අපේ රටේ විවිධ පලාත්වලින් දැක ගන්නට ලැබෙනවා. අදවනවිට තාක්ෂණයේ
දියුණුවත් සමග යකඩ පාලම් ඉදි වුණාට  මේ
අපූරු නිර්මාණාත්මක ඉදි කිරීම්  ලෝකයේ  තවත් බොහෝ තැනවලින් දැක ගන්න ලැබෙනවා. ගොඩක් අය
මේ පාලම්වලින ගමන් ගන්න පවා බයයි. 

 රුවන්වැල්ල එල්ලෙන පාලම                                                                             

කැළණි ගඟ හරහා වැටිලා තියන රුවන්වැල්ල
සංගිලි පාලම දැනට ලංකාවේ තියන දිගම එල්ලෙන පාලම විදියටයි හඳුනාගෙන තියෙන්නෙ. කැළණි
ගඟේ අතු ගංගාවක් වෙන ගුරුගොඩ ඔය හා කැළණි ගඟ හමුවෙන හංදියේ තමා මේ සංගිලි පාලම
පිහිටලා තියෙන්නේ. ගම් එකට යාකරමින් මිනිස්සුන්ගේ පහසුවට ලොකු රුකුලක් වෙලා තියන
මේ පාලම අඩි 550ක් විතර දිගයි කියලයි අපිට ආරංචි උනේ. නිකවලමුල්ල, කුරුපැන්​න
ගම් හා රුවන්වැල්ල ගම යාකරමින් හැදිලා තියන මේ පාලම ගොඩක් හොඳ තත්ත්වයෙන් තාම
තියනවා. හැබැයි යන අය පාලමෙන් වෙන වෙන ෆන් නම් ගන්න ලෑස්ති වෙන්න එපා. ඒ වගේමයි යන
ගමන් ගඟට එක එක එව්වා විසි නොකරන්නත් වගබලාගන්න ඕනේ.

කොස්ගුලන එල්ලෙන පාලම

දැන් දැන් සංගිලි පාලම් යකඩින් හැදුවට ඉස්සර ගංගා හරහා එගොඩ වෙන්න හැදුවේ ලණු වලින් බැඳපු මේ වගේ එල්ලෙන පාලම්නේ. ඉස්සර වගේම ලෑලි දාලා හදන මේ පාලම් වල යනකොට දතකට පූට්ටු වෙන ෆීලින් එකක් එනවා නේද? ආන්න ඒ වගේ ෆීලින් එකක් ගන්න කොස්ගුලන සංගිලි පාලම බලන්න ගියොත් පුළුවන්. මේ පාලම මීටර් 65ක් දිගයි. හරහට කිතුල් ලෑලි තමා දාලා තියෙන්නෙ. මේ පාලමේ විශේ​ෂත්වයක් තියනවා. ඒ කියන්නෙ අනික් පාලම් වගේ නෙමෙයි, අපේ මේ පාලමට ගොඩවෙන්නෙ බස්නාහිර පළාතේ කළුතර දිස්ත්‍රික්කයෙන්. ඒ වගේම බහින්න වෙන්නෙ සබරගමු පළාතේ රත්නපුර දිස්ත්‍රික්කයෙන්. හෑ… ඒ මොකද්ද බොලේ ඒක? ඔව් ඔව් මේ අපේ ලංකාවේ එකම තැන එහෙම දෙයක් කරන්න පුළුවන්. ඔයාලත් ගිහිල්ලම බලන්නකෝ.
මේ පාලම බුලත්සිංහල මෝල්කාව පාරේ ගිහින් මෝල්කාව හංදියෙන් කෙලින් කන්ද පාරෙ ගියාම වම් පැත්තේ තියෙන්නෙ. පාලමේ සමහර ලෑලි ගැලවිලා තියන නිසා වැටුනොත් කෑල්ලක්වත් හොයාගන්න බැරිවෙයි. ඒ නිසා කල්පනාවෙන් යන්න වෙනවා.

බඹරකිරිඇල්ල එල්ලෙන පාලම

බඹරකිරිඇල්ල කියන්නේ
අපි කවුරුත් දන්න කියන ඇල්​ලක්නේ. මාතලේ රත්තොට පැත්තේ තියන මේ ඇල්ල කිට්ටුවමයි
එල්ලෙන පාලමත් තියෙන්නෙ.
මාතලේ රත්තොට පල්ලෙගම පාරේ B 274 රත්තොට නගරයේ ඉඳලා කි.මි 1ක් වගේ යනකොට බඹරකිරිඇල්ල හම්බවෙනවා (කි.මි.15 කණුව ලඟ). රිවස්ටන් යන පාරේ තමා තියෙන්නෙ, වංගුවක් එක්කම බෝඩ් එක
ගහලා ඇති. මහබඹරකිරි ඇල්ල ලඟ තමා පාලම තියෙන්නෙ. පාලම නම් දැන් ටිකක් අබලන්
තත්ත්වයේ තියෙන්න. මහබඹරකිරි ඇල්ලේ ඉහළ තට්ටුව බලන්නත් කුඩා බඹරකිරි ඇල්ල බලන්නත්
යන්න ඕනේ මේ එල්ලෙන පාලමෙන් තමයි. ටිකක් අවදානම් ගමනක් උනත් මේක පාලමෙන්ම යන්න
ඕනෙ. මොකද වතුර පාර හරහා යන එක කිසිසේත්ම සුදුසු නැති නිසා.

පේරාදෙණිය සංගිලි පාලම

පේරාදෙණිය උද්භිත උද්‍යානය
හා ගන්නොරුව කෘෂිකර්ම පාසල සම්බන්​ධ කරමින් මහවැලි ගඟ හරහා තමා මේ පාලම පිහිටලා
තියෙන්නෙ. මීටර් 9.5ක් උස් වානේ කණු වලින් මීටර් 127ක් වගේ දිග මේ පාලම 1931 බ්‍රිතාන්‍ය පාලන කාලයේ තමයි හදලා තියෙන්නෙ. ගාඩ්න් එකේ කෙරෝලට ගියාම
පාලම හම්බවෙනවා. දැනට හොඳ තත්ත්වයේ තියන පාලමක් කියලා කියන්න පුළුවන්. ගොඩක් දෙනා
ෆොටෝ ශූට් වලටත් මේ පාලම භාවිතා කරනවා.



Sri News

LEAVE A REPLY

Please enter your comment!
Please enter your name here