බේකරි හා ආපන ශාලා නිෂ්පාදනවල මිල අඩු කිරීම සම්බන්ධයෙන් අවදානය යොමුව ඇති බව වෙළඳ අමාත්‍යාංශය පවසයි.ඒ රුපියල ශක්තිමත් වීමට සාපේක්ෂව බව පැවසේ.
එම නිෂ්පාදනවල මිල ගණන් අඩු කිරීමේ ප්‍රතිශතයන් පිළිබඳ ජනතාව පාරිභෝගික කටයුතු අධිකාරියටද පැමිණිලි කර ඇති බව අමාත්‍යාංශය ප්‍රකාශ කළේය.
රුපියල ශක්තිමත් වීමේ වාසිය හා අමුද්‍රව්‍ය මිල ගණන් අඩුවී‍මේ වාසිය ජනාතාවට නිසි පරිසි ලබා දීමට බේකරි හා ආපන ශාලා හිමිකරුවන් කටයුතු කළේද යන්න සම්බන්ධයෙන් අධ්‍යයනයක්ද මේ වනවිට ක්‍රියාත්මක බව පැවසේ.
වෙළෙඳ අමාත්‍යාංශය ප්‍රකාශ කළේ, මීට සමාගාමීව බේකරි හිමියන්ගේ සංගමය හා ආපන ශාලා හිමිකරුවන්ගේ සංගමය කැඳවා මිල අඩුකිරීම සම්බන්ධයෙන් ඔවුන් සමග සාකච්ඡා කිරීමද සැලසුම් කර ඇති බවයි.
Sri News Media
