රටක් වටින දූ පුතුන් හැදූ අම්මලා – Sri News

0
5

ගොඩක් වෙලාවට අපිට මුණ ගැහෙන දැවැන්ත චරිත පිටිපස්සේ සැඟවුණු චරිත දෙකක් ඉන්නවා. ඒ තමයි ඔහුගේ හෝ ඇයගේ අම්මා සහ තාත්තා. මේ නිසා අපි හිතුව හැමදාම මේ දැවැන්ත චරිත ගැන විතරක් කතා කරන්නෙ නැතුව ඒ චරිත පිටිපස්සේ හිටපු අම්මලා සහ තාත්තලා ගැනත් කතා කරන්න. මේ ඒ වගේ ලිපි පෙළක ආරම්භය. අපි අද කතා කරන්න යන්නේ ලංකාවේ දන්න කියන සුප්‍රකට චරිත කිහිපයක් බිහිකරපු අම්මලා ගැන.

 

රනිල් වික්‍රමසිංහට බොහෝ දෙනා චෝදනා කළත් ඔහුගේ මව නාලිනී වික්‍රමසිංහ මැතිනිය ගැන විරුද්ධවාදීන් පවා කතා කරන්නේ මහත් ගෞරවයකින්. ලංකාවේ පුවත්පත් කලාවේ දැවැන්තයෙක් වුණු ඩී. ආර් විජේවර්ධන මහතාගේ දියණිය වුණු ඇය පස්සේ කාලෙක ලේක්හවුස් ආයතනයේ ප්‍රධානත්වය පවා ඉසිලුවා. ඇය කියන විදියට ඇගේ ජීවිතයට ලොකු බලපෑමක් කරලා තියෙන්නේ ඇගේ ආච්චි අම්මා වුණ හෙලේනා විජේවර්ධන මැතිනිය. කලාව කෙරෙහි දැඩි ලැදියාවක් දැක්වූ ඇය පොත පත කියවීමට දැක්වූයේ ඇබ්බැහියක්. රනිල් වික්‍රමසිංහටත් මේ පුරුද්ද ඇතිවුණේ ඇයගෙන්.

 

වර්තමාන දළදා මාළිගාවේ දියවඩන නිලමේ ප්‍රදීප් නිලංග දෑල බණ්ඩාර මහතාගේ මව සිල් මාතාවක් බවට පත්ව තිබෙනවා. පිළියන්දල ප්‍රදේශයේ උපත ලද එතුමිය ගුරුවරියක් ලෙස කටයුතු කළ අතර සසර පුරුද්ද නිසාම දෝ පැවිදි දිවියට එළැඹී තිබෙනවා. නිලංග දෑල බණ්ඩාර මහතා දියවඩන නිලමේ ලෙස පත්වීමේදී මාළිගාවේ යතුරු භාර ගන්නා දින දළදා වහන්සේ ළඟටම ගොස් වැඳ පුදා ගැනීමට ලැබීම තම ජීවිතයේ ලැබූ උත්තරීතර භාග්‍යයක් ලෙස එතුමිය සලකනවා.

 

සේනක සේනානායක කියන නම අපේ රටේ මිනිස්සුන්ට එතරම් හුරුපුරුදු නමක් නොවුනට ඔහු ලංකාව ජාත්‍යන්තර තලයට ඔසවා තැබූ චිත්‍ර ශිල්පියෙක්. කුඩා කාලයේ අතිශය දඟ දරුවකු වුණු සේනක පෙර පාසල් යන අවධියේ පටන් චිත්‍රශිල්පියෙකු වීමේ ලක්ෂණ පෙන්නුම් කරලා තියෙනවා. එතැන් පටන් ඔහුගේ එම දක්ෂතා දියුණු කර ගැනීමට ඇය තමන්ගේ උපරිම දායකත්වය ලබා දුන්නා.

 

ඇතැම් තැන්වලදී ආන්දෝලනාත්මක චරිතයක් වුණත් කිරිබත්ගොඩ ඤාණානන්ද හිමියන් කියන්නේ අපේ රටේ බෞද්ධ පුනර්ජීවනයක් ඇති කරන්න දායක වුණු හිමිනමක් බව විවාදයකින් තොරව පවසන්න පුළුවන්. උන්වහන්සේව මෙලොවට බිහි කළ පින්වන්ත මාතාව වන්නේ චාලට් පෙරේරායි. එතුමිය පවසා තිබෙන ආකාරයට එක දිගට දියණිවරුන් තිදෙනෙක් ලැබීමෙන් පසුව කතෝලික ඇය කිරිබත්ගොඩ පන්සලේ බෝධීන් වහන්සේට භාරයක් වී තිබෙනවා. ඒ තමන්ට පුතෙකු ලබා දෙන ලෙසයි. ඒ අනුව ලැබුණු දරුවා සසර පුරුද්ද අනුව කිරිබත්ගොඩ ඤාණාණනන්ද නමින් ධර්ම ප්‍රචාරයේ යෙදීම තවත් එක් ප්‍රාතිහාර්යයක්ම නොවන්නේද? 

 

Sri News Media

LEAVE A REPLY

Please enter your comment!
Please enter your name here